مصطلحات شامية غريبة وعجيبة… بس أهل الشام بيفهموها فوراً

اللهجة الشامية مليانة تعابير طريفة وغريبة أحياناً، بس فيها خفة دم وذكاء لغوي بيخليها مميزة. كتير من هالمصطلحات ممكن تكون غامضة للي مو متعود عليها، لكن بالنسبة لأهل الشام جزء طبيعي من الكلام اليومي.
هون جمعنالكم مجموعة مصطلحات شامية غريبة مع معناها وشوية أمثلة عليها:

مصطلحات شامية غريبة وعجيبة

اخطوف رجلك
يعني تعال لعندي بسرعة.
مثال: اخطوف رجلك وتعال لعندي، بدي احكي معك شغلة.

فز عصبي
يعني أثار غضبي أو استفزني.
مثال: فز عصبي من كلامه.

عينك كنت عينك
يعني صارحتني بشي أزعجني.
مثال: عينك كنت عينك قالتلي لا تتدخلي بحياتي.

عم يخفق ويسفق
يعني عم يروح ويجي كتير لنفس المكان.

يحلى وبرك
دعوة سلبية على شخص، بتنقال أحياناً بنبرة سخرية.
مثال: هالشخص حلو؟ يحلى وبرك!

عضمو طري
يعني الشخص صغير ولسا ما عنده خبرة بالحياة.
مثال: لا تجور عليه كتير بالطلبات، هاد عضمو طري.

شو جاب لجاب
تعبير للمقارنة بين شخصين أو شيئين مختلفين كتير.

إي ضحاك بعبك
يعني احمد ربك أو اعتبر حالك محظوظ.
مثال: إي ضحاك بعبك ما أخدوك عالحاجز.

عصرت مخي

يعني حاولت أتذكر كتير وما قدرت.

حشك ولبك

تعبيرعن شدة الضرب بالأيدي والركل بالأرجل وقت المشاجرة.

لاطيلك

يعني شخص بيكرهك منتظر يشوفك لينتقم منك.

نص نصيص
تعبير لتصغير قيمة الشخص.
مثال: مين مفكر حالك؟ لك نص نصيص.

لا بيهش ولا بينش
تعبير عن شخص ما عنده رأي أو تأثير.

مثال : جوزها لابيهش ولا بينش.

اللي بالي بالك
كلمة سر بين شخصين لما ما بدهم غيرهم يعرف عن مين عم يحكوا.

كني كنك
يعني متلي متلك.

علمي علمك
يعني أنا متلك ما بعرف شي عن الموضوع.

عيرنا سكوتك / سمعنا سكوتك / نقطنا بسكوتك / سد حلقك / سد بوزك
كلها تعابير معناها: اسكت أو توقف عن الكلام.

دبساتنا مراء
تقال لوصف الوضع المادي الصعب، وغالباً تستخدم بالمفاصلة مع البائعين.
مثال: راعينا شوي، دبساتنا مراء.

ما واتاكي
يعني ما ناسبك المكان أو الأكل أو الجو.

شو عدا ما بدا
يعني كنتوا بحال وصرتوا بحال تاني.

عينو ناقرة
تقال عن شخص مبين عليه المرض او لسيدة متوقع إنها حامل.

مثال: شوفي عينها ناقرة كأنها حامل ومعها صبي.

عم يقطش ويلحش
يعني عم يحكي كلام غير مترابط، شي من الشرق شي من الغرب.

لا تشلقه
يعني لا تلفت نظره.

عم يطوطح بإيديه
تقال عن شخص جاي لعندك وما جايب معه شي.

سنجأ عرض
تقال عن شخص يعترض دائماً أو يوقف بطريقك.
مثال: كل ما بدي اعمل شي بيطلعلي سنجأ عرض.

كم مصطلح من لائحة مصطلحات شامية غريبة كنتوا بتعرفوا؟

المزيد

أمثال ما بتسمعها إلا بالشام 

بيقولوا أهل أول ما تركوا شي ما متّلو عليه من النصايح والحكم، للوصف والمدح والذم كل موضوع وكل موقف الو متل وبيعبر عنه