سكوبي: أول سبا متنقل للحيوانات الأليفة في دمشق لباب بيتك

إذا عندكن حيوان أليف، فأكيد بتعرفوا اديش وقت الحمام أحياناً بيتحوّل لمعركة كاملة: مي، فرو بكل البيت، توتر، ومحاولة إقناع القط أو الكلب إنو “الحمام مو عقاب”. من هون تماماً إجت فكرة سكوبي، أول سبا متنقل للحيوانات بالشام، ليحوّل الحمام من تعب وتوتر لتجربة مريحة ومرتبة… لإلكن ولأليفكن بنفس الوقت.

الفكرة بسيطة وذكية: سيارة مجهزة بالكامل بتوصل لعند باب البيت، وفيها كل شي بيحتاجه الحيوان من تنظيف، عناية، وتجفيف، ضمن أجواء مريحة وتعقيم عالي.

مو بس حمام… تجربة كاملة

سكوبي ما بيقدم “حمام سريع” وبس. الفكرة أقرب لسبا متكامل للحيوانات الأليفة، فيه اهتمام بالتفاصيل من أول لحظة لآخر خطوة.

الخدمة بتبدأ بفحص الفروة والشعر، فك الشعر المزرد إذا موجود، وتحضير مي دافئة مناسبة للحيوان، مع استخدام شامبو خالي من المواد الكيميائية القاسية. وبعدها بيبلش التنظيف والعناية الكاملة.

ومتوفر خدمات مثل:

• تنظيف الأذنين
• تنظيف العيون
• تنظيف الأسنان
• قص الأظافر
• فك الشعر المزرد والمتشابك
• تنشيف كامل
• تعطير الفرو
• قص وتصفيف الشعر
• فيتامينات للحيوانات

يعني الحيوان بيطلع نظيف، مرتب،معطر ومرتاح… مو متوتر وخايف متل أغلب تجارب الحمام التقليدية بالبيت.

اشتراكات شهرية وراحة لأصحاب الحيوانات

من الخدمات اللطيفة كمان إنو عندن اشتراكات شهرية، بتساعد أصحاب الحيوانات يحافظوا على روتين تنظيف منتظم بدون ما ينسوا أو يتعبوا كل مرة بالحجز والتجهيز. وهاد الشي مهم خصوصاً بالصيف، لما الحيوانات تحتاج عناية وتنظيف أكتر بسبب الحرارة والفرو.

باقات مختلفة حسب الحاجة

سكوبي عندن أكتر من نوع خدمة حسب احتياج الحيوان. في غسيل وتنشيف للي بدهم حمام سريع وتنشيف بسعر مناسب جداً، وباقة الحمام الأساسي للعناية اليومية المرتبة يلي بتشمل 7 خدمات تنظيف أساسية، أما باقة اللاكشري فهي التجربة الكاملة لتدلل حيوانك الأليف شهرياً بحمام فاخر وعناية واسعة بتضمن 12 خدمة مميزة.

أعلى معايير النظافة والتعقيم

وحدة من أكتر النقاط المريحة عند سكوبي إنو التعقيم والنظافة واضحين جداً بالتجربة. كل الأدوات والسيارة بيتعقموا بعد كل جلسة، وفي اهتمام بالتفاصيل الصحية حتى يكون المكان آمن ونظيف لكل الحيوانات. وكمان في شفافية بالتعامل، لأنو فيكن تشوفوا حيوانكن خلال الحمام من الواجهة الزجاجية للسيارة، وهاد الشي بيعطي راحة أكبر لأصحاب الحيوانات، خصوصاً إذا كانت أول تجربة إلهم.

ليش الناس حبت الفكرة؟

لأنها وفّرت تعب كبير على أصحاب الحيوانات، وقدّمت التجربة بطريقة أجمل وأريح للحيوان نفسه. بدل ما يطلع الحيوان من البيت ويتوتر من الطريق أو المكان الجديد، السبا بيجي لعنده، ضمن مساحة مجهزة ومريحة. وفوق هاد كله، التجربة مرتبة، سريعة، وفيها اهتمام واضح بالتفاصيل، من الشامبو لطريقة التنشيف وحتى العطر بعد الحمام.

المكان: دمشق
للتواصل والحجز: 0991111383

باختصار

سكوبي مو بس سيارة سيارة وحمام متنقل للحيوانات، بل فكرة جديدة بالشام بتخلي العناية بالحيوانات الأليفة أسهل، أنظف، وأريح. إذا عندكن كلب أو قط، وبتحبوا يضل نظيف ومرتب بدون تعب الحمام التقليدي، يمكن سكوبي يكون من ألطف الخدمات اللي طلعت مؤخراً بالشام.

المزيد في قسم خدمات على موقعنا!