وين نروح
3 أماكن ولا أروع لقعدات الكنكنة و الرواء بدمشق القديمة!
إذا كنت من عشاق القعدات الهادية والدافية، وبدك مكان تستمتع فيه بجمال الشام وروحها الأصيلة، فهالأماكن هي الوجهة المثالية! هون بتلاقي الدفى، الراحة، واللمة الحلوة بكل زاوية. يلا نكتشف سوا أفضل 3 أماكن للكنكنة و الرواء بدمشق القديمة:
1. مطعم وكافيه مانديلا
مانديلا هو أكتر من مجرد مطعم وكافيه بدمشق، هو مساحة بتجمع بين الأصالة والعصرية و الرواء بأجواء بتخليك تحس حالك عايش بأحلى حكاية:
- الطابق الاول: جو البيت الدمشقي التقليدي مع بحرة بتوزع سحر وجمال بكل أرجاء المكان.
- الطابق الثاني: تصميم عصري بلون زهري لطيف، مثالي للصور واللمة مع الأصحاب.
- الطابق الاخير: سحر خاص مع رسومات ماندالا وسقف مفتوح بيطل على الشام القديمة، بتاخدك أجواؤه لروقان ما إلو مثيل، خصوصًا وقت غروب الشمس.
الموقع: دمشق القديمة – درج النوفرة – مقابل الجامع الأموي
للحجز: 0954357742 – 0958713082
2. قهوة القشلة
في أماكن بتذكرك بكل شي حلو، والقشلة واحد منن وهي من أشهر أماكن القعدات الرايقة بالشام القديمة:
- تصميم دمشقي عتيق ممزوج بأجواء عصرية راقية.
- المكان دائمًا مليان حياة، خصوصًا بالمناسبات والأعياد، وكل زاوية بتحكي حكاية من الشام.
- جلسة بتجمع بين الهدوء وأصوات الناس الخفيفة يلي بتعطي طاقة إيجابية فريدة.
الموقع: دمشق القديمة – بالقرب من قلعة دمشق
3. غزل كافيه
غزل كافيه هو عنوان الراحة والدفا، خصوصي بأيام الشتا:
- تصميم راقٍ بكل تفاصيله، من الديكور للإنارة الخفيفة يلي بتخليك تعيش أجواء الرواء والهدوء بدمشق.
- مثالي للقعدات الطويلة، للقراءة أو للكنكنة مع أصحابك.
- كل ركن فيه مصمم ليعطيك إحساس بالراحة والاسترخاء والتراس بغزل حكاية تانية.
الموقع: القيمرية ,دمشق القديمة
أجواء ما بتتعوض! كل واحد من هالأماكن بدمشق بيرسم لوحة فنية بتجمع بين الرواء، الدفى، والأصالة الدمشقية.
إذا جربت واحد منهم، خبرنا شو أكتر شي حبيته! وإن ما جربت، لا تضيع الفرصة وعيش أجمل لحظات الكنكنة بالشام!
انبسطت بهالمقال؟ تأكد تزور قسم #وين نروح على موقعنا لتشوف المزيد!