وين بتلاقي أطيب كوكتيل وقشاطي بالشام؟ 

دمشق مدينة مليانة بالنكهات اللذيذة والتجارب الممتعة، ومن أهم محلاتها  يلي بتقدم الكوكتيلات، سلطات الفواكه والعصائر الفريش،. إذا كنت من محبي هالأصناف، فأكيد لازم تجرب هالمحلات يلي بتتميز بتنوع النكهات والخدمة الممتازة. هون جمعنالك أشهر المحلات بدمشق يلي لازم تزورها لتعيش تجربة كوكتيل بالشام منعشة ولذيذة:

هاواي Hawaii

إذا بدك تدوق شي لذيذ ورايق، لازم تزور هاواي. بيقدملك الكوكتيل والفواكه الفريش بأطيب خلطة ممكنة. الكوكتيلات عندو كبيرة ومليانة نكهة، والقشطة بتكون سلسة ولذيذة مع الفواكه والعسل والشوكولا. الحجم كبير، وما بتقدر تكمله بسهولة. والأسعار مقارنة بالجودة، تعتبر ممتازة.

العنوان: القصاع – برج الروس، دمشق.
رابط الفيسبوك: اضغط هنا

أشاطي Ashati

إذا كنت عم تدور على محل بيجمع الطعمة اللذيذة مع الخدمة الراقية، أشاطي جنب أمرية الطيران هو خيارك الأمثل. المحل مشهور بالقشطة الطيبة يلي بيدمجها مع الفواكه الفريش بمهارة، جرب خلطاتو، وحتحس بتناسق مثالي بين الفواكه والقشطة والعسل.

العنوان: ساحة الأمويين – مقابل آمرية الطيران – جانب صيدلية عبير

رابط الفيسبوك: اضغط هنا

أبو شاكر Abu Shaker

أبو شاكر اسم معروف بكل دمشق، ومحله من أوائل الاسماء يلي بتتبادر للذهن لما تحكي عن الكوكتيلات وسلطات الفواكه. جرب عندو الأظان أو الإمبراطور، وحتلاقي كل لقمة مليانة فواكه فريش، قشطة، وعسل، مع المكسرات يلي بتضيف قرشة لذيذة. المكان بيجمع بين الطعمة الطيبة والحجم الكبير يلي بيشبعك من أول مرة.

العنوان: الصالحية، دمشق.

رابط الفيسبوك: اضغط هنا

دكتور فريز Dr. Frez

إذا كنت من محبي الفواكه الفريش والعصائر المنعشة، لازم تزور دكتور فريز. المحل معروف بجودة الفواكه والقشطة يلي بيستخدمها، جرب وعيش تجربة طيبة مع الفواكه، القشطة، العسل والشوكولا. الحلو بالمحل إنو الحجم بيكون كبير والسعر مناسب جداً بالنسبة للطعم والجودة يلي بتاخدها.

العنوان: ركن الدين، أبو رمانة – دمشق.
رابط الفيسبوك: اضغط هنا

عصير أبو عبدو Abu Abdo Juice

أبو عبدو من أشهر محلات الكوكتيل بالشام، وبيعرفوا كل اللي بيحبوا العصائر الفريش  وسلطات الفواكه. إذا بدك تشرب شي غني ومليان نكهة، جرب الاصناف المختلفة عندو، خليط رائع من الفواكه الفريش مع القشطة والعسل والكريمة، بتحس إنك عايش تجربة متل الحلم. 

العنوان: الفرع الأول: صالحية مقابل مخفر عرنوس
الفرع الثاني: الميدان مول Big5 مقابل مخفر الميدان
الفرع الثالث: كفرسوسة دامسكينو مول

رابط الفيسبوك: اضغط هنا

أورانج Orange

أورانج هو المكان المثالي لعشاق الفواكه الفريش وسلطات الفواكه الشهية. المحل بيقدم خيارات مميزة متل سلطة نوتيلا وسلطة اللوتس، وكل وحدة منها مليانة نكهة غنية وطعم خيالي. إذا كنت بتحب تجرّب شي جديد وفاخر بطعماته، لازم تزور أورانج وتستمتع بوحدة من أفضل سلطات الفواكه بدمشق.

العنوان: ساحة القصور، دمشق.
رابط الفيسبوك: اضغط هنا

إذا كنت بتدور على تجربة كوكتيل بالشام منعشة ولذيذة، ما في أحلى من زيارة هالمحلات المميزة. سواء كنت من عشاق الكوكتيل، القشطة، أو سلطات الفواكه المتنوعة، هالمحلات بتقدملك أطيب الطعمات وأحلى الخدمات. لا تفوت الفرصة وجرّب واحد من هدول المحلات وعيش تجربة لذيذة ومميزة.

ممكن كمان يعجبكم: أشهر محلات الحلويات بدمشق: طعمة بتخليك ترجع كل مرة!