3 أماكن حلوة لـ مشوار ربيعي مع العيلة أو الأصحاب

مع بداية الربيع، ما في أحلى من مشوار بالطبيعة بعيد شوي عن ضجة المدينة. قعدة بين الأشجار، هواء نضيف، ومناظر خضرا بتفتح النفس. بهالفترة تحديداً بتصير المشاوير العائلية أو طلعات الأصحاب أحلى بكتير، خصوصاً بالأماكن يلي فيها طبيعة ومياه وخضار حوالينا. ولهيك جمعنالكم ثلاث أماكن قريبة من دمشق بتعطيكن جو ربيعي مميز وقعدة هادية بين الطبيعة لـ مشوار ربيعي مميز.

1. مطعم ومنتزه جوري

مطعم ومنتزه جوري بيقدّم جلسات عائلية هادئة وسط الطبيعة، مع أجواء رواق ومناظر خضراء بتخلي المشوار فعلاً مريح. المكان مناسب للعيلة لأن فيه ألعاب للأطفال ومساحات مفتوحة بتخلي الصغار يلعبوا وينبسطوا.

القعدة فيه بسيطة وحلوة، والجو العام بيعطي إحساس بفسحة ربيعية لطيفة قريبة من دمشق.

الموقع: دمشق – أول طريق المطار
رقم التواصل: 0935157777

2. مطعم ومنتزه نسمة شام

نسمة شام واحد من الأماكن يلي بتعطي جو ربيعي واضح من أول ما توصل. المكان مليان أشجار، ورود، ومساحات خضراء واسعة مع مناظر طبيعية بتخلي القعدة مريحة للنفس. وبحرات مائية بتعطي المكان إحساس هدوء وانتعاش. وهالمكان عبارة عن مطعم ومنتزه مع ألعاب للأطفال، فالمشوار فيه مناسب للعيلة والأصحاب بنفس الوقت. القعدة بين الأشجار والورود، مع صوت المياه والهواء اللطيف، بتخلي الزيارة كأنها استراحة حقيقية من ضغط المدينة.

الموقع: طريق المطار – بداية الجسر الخامس
أرقام التواصل:
واتساب: 0989777834
منتزه: 0989777872

3. مطعم ومنتزه أهل الشام

مطعم ومنتزه أهل الشام مكان قريب من دمشق ومناسب لمشوار عائلي رايق. الطبيعة فيه جميلة وفيه بحيرات مائية وأشجار ومناظر خضراء بتعطي جو هادئ ومريح. الميزة بالمكان إنو فيكن تطلبوا أكل من عندهم مثل المندي، المشاوي أو الفروج، وكمان في إمكانية تجيبوا أكلكم معكم وتستمتعوا بالقعدة بالطبيعة. المكان مناسب لفسحة ربيعية هادئة بأسعار مقبولة.

الموقع: أوتوستراد المزة – باتجاه سومرية مول
رقم التواصل: 0996743517

بالنهاية الربيع وقت المشاوير الحلوة بالطبيعة. بين الأشجار والهواء النضيف والقعدة الهادية، هالأماكن الثلاثة بتعطيكن فرصة تعيشوا هالأجواء بدون ما تبعدوا كتير عن دمشق، وتستمتعوا بمشوار بسيط لكن مليان مناظر جميلة وذكريات حلوة.

المزيد في قسم المغامرات على موقعنا!