4  مطاعم بتناسب جمعاتكم الحلوة في عيد الأم

عيد الأم مو مناسبة عادية… هو فرصة نقعد سوا، نضحك، ونقول شكراً بطريقتنا. وأحلى طريقة للاحتفال هي سفرة مرتبة بمكان يليق بهاللمّة. إذا عم تدوروا على مطاعم بدمشق تناسب جمعات عيد الأم، سواء فطور أو غدا أو عشا، جمعنالكن 4 أماكن مميزة بأجواء مختلفة تناسب كل الأذواق:

1. مطعم عريشة

مطعم عريشة الشرقي معروف بأطباقه الشامية الأصيلة وأجوائه الدافئة. المكان مناسب جداً لجمعات العيلة الكبيرة، والقعدة مريحة ومرتبة. بمناسبة عيد الأم عندهم فطور خاص بهاليوم ليكون الاحتفال من الصبح على سفرة عامرة وطعم بيشبه أكل البيت بس بلمسة مميزة أكتر.

 دمشق – ساحة العباسيين – تايم سنتر
0956762238 – 0944415163

2. مطعم ريحان

ريحان مكان بيجمع بين القعدة الهادية والأجواء الراقية. تراس صيفي شتوي مناسب لكل الفصول، ومنيو متنوع بيرضي مختلف الأذواق. مناسب للي بدهم يحتفلوا بعيد الأم بقعدة أنيقة بدون صخب، مع أكل طيب كتير وخدمة مريحة.

  دمشق – ساحة العباسيين – تايم سنتر
 0114465224 – 0930039205

3. مطعم غاليارد

غاليارد خيار مميز للي بدهم احتفال بطابع فخم. أجواء أنيقة، ديكور راقي، وتقديم مدروس بكل طبق. المكان مناسب لعزيمة مميزة بعيد الأم إذا حابين تعيشوا تجربة مختلفة تجمع بين الذوق الرفيع والنكهات الطيبة ضمن أجواء راقية وفخمة.

المالكي – أفينيو مول – شارع سامي الدروبي
0119694 – 0113354000 – 0113353000

4. مطعم صح النوم 

صح النوم بيعطيكم تجربة شرقية أصيلة بطابع تراثي دافئ. المكان مناسب جداً لجمعات العيلة، خاصة إذا بتحبوا الأجواء الشامية والأكلات الشرقية الغنية. قعدة مريحة، منيو متنوع، ومكان حلو بيخلي الاحتفال بعيد الأم بسيط وراقي بنفس الوقت.

  المالكي – حديقة تشرين – بناء شام ستون
0938444443

بالنهاية، أهم شي بعيد الأم هو اللمة واللحظة الحلوة. اختاروا المكان يلي بيشبه جوكم وجو أمكم، وخلو الاحتفال هالسنة يكون مميز… لأنو أمهاتنا بيستاهلوا أكتر من يوم.

المزيد في قسم وين نروح على موقعنا!