أفضل 6 محلات لتشتروا حلو العيد بالشام

العيد بالشام ما بيكمل بلا صحن حلويات فاخر، ريحة سمنة عربية، معمول هش، بقلاوة مقرمشة، مبرومة بالفستق الحلبي، وكل لقمة فيها طعم أصالة بتخلي البيوت مليانة فرح ودفا. ولهيك إذا عم تدورواعلى أفضل محلات حلويات بدمشق لشراء حلو العيد، سواء للضيافة، للهدايا، أو لتدللوا أهلكم بشي يليق بهالمناسبة، جمعنالك 6 أسماء معروفة بالطعم الأصيل، الجودة العالية، والتفاصيل يلي بتفرق فعلاً بين حلويات عادية و حلو العيد على الأصول الشامية:

1. تاج كلاس

تاج كلاس فعلياً بيترجم الرفاهية بمعناها الحلو. حلويات شرقية فاخرة مصنوعة بالسمنة الحيواني، وطعم واضح وغني من أول لقمة. البقلاوة، المعمول، وأصناف العيد عندهم مرتبة بعناية وبتنحط على الطاولة وكأنها قطعة فنية. فإذا عبالك تقدم شي يعكس ذوق راقي ويترك انطباع حلو من أول زيارة، تاج كلاس خيارك الأول بلا تردد.

الموقع: دمشق، ساحة عرنوس
رقم التواصل: 00963987282659

2. حلويات السقال

حلويات السقال معروفة بتنوعها وجودة مكوناتها، من المبرومة للمعمول وعش البلبل بالفستق والكاجو، وكلها بالسمن العربي الأصيل.حلو بالشكل وفخم بالطعم، وهاد الشي بيخليها مثالية لضيافة العيد. فإذا بدكم تشكيلة حلويات مرتبة تجمع كل الأصناف المميزة بعلبة وحدة، السقال اسم بيستاهل التجربة.

الموقع: دمشق، الميدان، أبو حبل
أرقام التواصل: 8888815 – 0981450870 – 0933575818

3. رشاد للحلويات الشرقية

رشاد اسم عريق بصناعة الحلويات الشرقية بدمشق، وخاصة بفترة الأعياد. معمول العيد، البقلاوة، وأصابع الفستق بطعم فاخر وجودة ثابتة من سنة لسنة. خبرتهم الطويلة واضحة بالتفاصيل، من القرمشة المثالية لحشوة الفستق الغنية. يعني لو بدكم حلويات بطابع دمشقي تقليدي مميز وطعم مضمون للضيافة، رشاد من الخيارات الأساسية.

الفرع الأول: دمشق، الميدان، سوق الجزماتية
الهاتف: 0118880968

الفرع الثاني: دمشق، ساحة المحافظة
الهاتف: 0112316044

خدمة التوصيل: 8880968 – 8880620

4. حلويات ابن عباس

حلويات ابن عباس بتجمع بين الفخامة والتنوع، وبتقدم أصناف شرقية بلمسة مرتبة تناسب الضيافة الرسمية وهدايا العيد. الجودة عالية والتقديم أنيق، وفي خيارات علب جاهزة مرتبة بطريقة تليق بالمناسبات. إذا عبالكم حلويات فخمة بطابع دمشقي عصري، ابن عباس خيار راقي ومميز.

الفرع الأول: دمشق، أوتوستراد المزة، بناء 8
الهاتف: 0114050
قسم المبيعات: 0982411115

الفرع الثاني: دمشق، العباسيين، شارع حلب مقابل بنك البركة
الهاتف: 0118030

5. حلويات مراد

حلويات مراد من الأسماء العريقة يلي تأسست عام 1967، وسمعتها قائمة على النكهة الأصيلة والثبات بالجودة. النواشف والبقلاوة والمعمول عندهم بطعم كلاسيكي على أصول الشام، مع سمنة عربية وفستق حلبي فاخر. إذا بدكم ترجعوا لجو الحلويات الدمشقية التقليدية الأصيلة بكل تفاصيلها، مراد خيار بيمثل الأصالة بأبهى و أطيب صورها.

الفرع الأول: دمشق، الصالحية، مقابل مسرح الحمراء
الفرع الثاني: دمشق، مشروع دمر، التراسات
رقم التواصل: 0933214989

6. حلويات البيك

حلويات البيك اسم معروف بعالم الحلويات العربية بدمشق، وبيقدم تشكيلة واسعة من البقلاوة، المعمول، وأصناف العيد المحضرة بعناية وعلى أعلى مستوى. الجودة واضحة والطعم ثابت، وهاد الشي بيخليه خيار مناسب لتجهيز صواني الضيافة الكبيرة. مع وجود أكثر من فرع بيسهّل الوصول، وبيخلي تحضير حلويات العيد أسرع وأسهل بدون ما تتنازلوا عن الجودة.

الفرع الأول: دمشق، باب السريجة باتجاه باب الجابية
الهاتف: 2221360 – 2216675

الفرع الثاني: دمشق، الشعلان، السوق التجاري

هيك صار عندكم قائمة بأفضل محلات حلويات العيد بدمشق،اللي بتجمع بين الفخامة، الأصالة، والتنوع الغني. اختاروا الصنف يلي بيمثل ذوقكم، وخلو ضيافة العيد تحكي عنكم.

المزيد:

أشهر محلات الحلويات بدمشق: طعمة بتخليك ترجع كل مرة!

هون قائمة بأهم محلات الحلويات بدمشق يلي بتقدم أشهى الأصناف: