4 وجهات مثالية لـ سحور رمضاني راقي في الشام

برمضان، السهرة ما بتخلص عند الفطور… بالعكس، بتبلش القعدة الحلوة وقت السحور. الضحكة بتعلى، الحكي بيطول، واللمة بتصير اهدى واروق. وسحور رمضان بمطاعم دمشق هو تجربة خاصة لازم تعيشها، بين اماكن راقية، اطلالات مميزة، ومطاعم بتعرف كيف تعمل جو يخليك تبقى لآخر لحظة قبل الاذان. لهيك جمعنالك هون اجمل وجهات لـ سحور رمضاني مميز بـ الشام بيجمع بين الذوق، الاجواء الراقية، والطابع الشامي الاصيل لتعيش تجربة متكاملة بكل تفاصيلها:

1. قهوة ابو الزلف

سحور ابو الزلف تجربة غنية ومشبعة بكل معنى الكلمة. الاجواء حيوية والقعدة دافئة، مثالية للّمة اصحاب او عيلة بدها سهرة مرتبة ومريحة. سفرة السحور عامرة بتشكيلة متنوعة بترضي كل الاذواق، فتة بسمنة، بيض بانواع مميزة، دفة فلافل، دفة شاورما، مناقيش، شنكليش وزعتر، لبنة واجبان، مربيات، فول بالزيت، وشاي يكمل المزاج لآخر لحظة. تنوع واضح وطابع شامي اصيل بيخلي الطاولة مليانة ونكهة السهرة مميزة.

الموقع: المالكي بوليفارد، دمشق
للحجز والاستفسار: 0980557722

2. مطعم انجلينا

سحور انجلينا عنوان للذوق والاناقه. مكان راق بتفاصيل فنية مدروسة، واجواء هادئة بتناسب اللي بحبوا السهرة الرايقة. سفرة السحور متوازنة وانيقة، مناقيش، أجبان، فول وحمص ومسبحة بقوام مثالي، لبنة وصحن خضار، وشاي يختم السهرة بهدوء. تجربة بسيطة بفكرتها، راقية بتقديمها، ومثالية لسهرة رمضانية بطابع مميز.

الموقع: بوليفارد فورسيزنز، دمشق

للحجز والاستفسار: 963959888001

3. مطعم ديونز

سحور رمضاني كامل متكامل من مطعم ديونز، بيختم نهارك بنكهات متوازنة بتعدل المزاج. المكان مرتب وقعدته مريحة، مناسب للي بدهم سحور غني ومتنوع ضمن اجواء راقية. السفرة بتتضمن بيض اومليت، جبنة مشكلة، زيتون مشكل، حمص، متبل، لبنة، مفركة بطاطا، نقانق، دفة معجنات مشكلة، زبدة ومربى. تشكيلة مدروسة بتجمع بين الاطباق الكلاسيكية ولمسة تقديم مرتبة تليق بسهرة رمضانية متكاملة.

العنوان: اوتوستراد المزة – مدينة الجلاء
للحجز والاستفسار:
011 6623333
011 66355555
0996664545
0936664545

4. مطعم بيت عربي

بيت عربي بياخدك على جو الحارة الدمشقية بروح بسيطة ودافئة. لمة السحور هون قريبة من القلب، والاجواء بطابع تراثي مريح. السفرة متنوعة ومرتبة، معكرونة بلبن، مربيات، زيتون، اجبان، صاج، صحن خضار، اومليت ومسبحة، تحلاية، شاي، يعني كل التفاصيل موجودة لتكمل سهرتك على اصولها.

العنوان: باب توما – القيمرية – حارة الشاويش
للحجز والاستفسار: 0945422500

سواء كنت بدك سحور رمضاني فاخر، قعدة راقية، او لمة بطابع دمشقي اصيل، هالوجهات بتقدملك خيارات متنوعة تخلي سهرتك متكاملة ومليانة نكهة وأجواء مابتتفوت برمضان.

المزيد بقسم أكلات دمشقية على موقعنا!