من الشغف للاحتراف: سيريان بليدز أول أكاديمية لتعليم السكيت في سوريا

مع انتشار رياضة السكيتينغ حول العالم، صار المشهد مألوف أكتر بشوارع دمشق: شباب وصبايا عم يتزلجوا بانسيابية، بثقة، وبشغف واضح. ولكن الجديد اليوم، هو إنو هالحب للسكيت ما عاد مجرد هواية… صار في مكان حقيقي يعلّمك، يدرّبك، ويقلك “يلا نبدأ من أول خطوة”. “سيريان بليدز“ هي أول أكاديمية سكيت رسمية بسوريا، فتحت أبوابها لتكون وجهة لكل شخص حابب يدخل عالم السكيت من الباب الصح.

دورة تدريبية شاملة… خلال شهر واحد

الكورس مدّته شهر كامل، مكون من 8 جلسات يومين بالأسبوع.  مناسب للمبتدئين تمامًا، ولكل حدا حابب يتعلّم من الصفر.

خلال هالشهر، بيتعلّم المشتركين:

كيفية الوقوف والتوازن – المشي لقدّام ولورا – طريقة الفرام، وكيف تسيطر على حركتك – مهارات أساسية بتخليك تمشي بثقة وتبلّش تطلع بجولات حقيقية على السكيت والمميز؟ إنو بعد ما تخلص الكورس، بصير فيك تشارك بجولات السكيت الجماعية داخل شوارع الشام – تجربة جديدة، ممتعة، وفيها حرية وحركة وشعور ما بيتكرر.

ما معك سكيت؟ ولا يهمك!

سيريان بليدز بتأمّن كل المعدات يلي بتحتاجها لتبلّش بأمان وراحة:

سكيتات للإيجار، وسعر الجلسة الواحدة: 10,000 ليرة سورية
سكيتات متوفرة للبيع للّي حابب يشتري وبيوفرولك خدمة الصيانة اذا السكيت الخاص فيك خربان.
معدات السلامة الكاملة (خوذة، واقيات لليدين والركب) بتتوفر خلال التدريب لضمان الأمان، خاصة للمبتدئين

يعني فيك تجي تتدرّب حتى لو ما عندك أي تجهيزات… كل شي متوفر هون.

الأعمار؟ من 6 وفوق

واحدة من أجمل النقاط بهالمبادرة، إنو ما في حد معين للعمر. التدريب متاح من عمر 6 سنين وأكتر، سواء كنت ولد، شاب، صبية، أو حتى شخص حابب يكتشف رياضة جديدة بحياته.

السكيتينغ رياضة بتناسب كل الأعمار، وكل الأجناس، وما بتحتاج خبرة سابقة.

خصم بمناسبة التأسيس

وبمناسبة انطلاق الأكاديمية، أطلقت سيريان بليدز عرض خاص على أول كورس:

السعر الأساسي: 300 ألف ليرة
السعر بعد الخصم: 240 ألف فقط

يعني خصم 20٪، لعدد محدود من المشتركين، والكورس رح يبدأ بأول الشهر، والتسجيل بلّش من هلأ.

أماكن التدريب

التدريب عم يتم بأماكن مختلفة، وبيتم تحديد المكان مسبقًا:

نادي بردى – المزرعة أو نادي الجيش – أوتوستراد الفيحاء

بغض النظر عن المكان، كل جلسة بتكون بموقع آمن، واسع، ومجهّز بشكل مناسب للتدريب، سواء كنت مبتدئ أو حابب تطوّر مهاراتك. الأكاديمية حريصة توفّر بيئة مريحة وآمنة لكل المشاركين.

أكثر من رياضة… تجربة كاملة

المطر، برودة الشتوية، ريحة الأرض بعد الشتا، وحركة العجلات عالإسفلت… هي التفاصيل الصغيرة يلي عم تخلق مغامرة حقيقية لعشاق السكيتينغ بالشام. سيريان بليدز عم يعملوا جو مختلف، وعم يخلوا كل شخص عنده شغف بالحركة يلاقي مكانه.

كيف تسجل؟

للتسجيل أو الاستفسار، التواصل مباشرة مع الأكاديمية على الرقم: 0930554901

جاهز للتجربة؟
يمكن السكيت يكون الشي الجديد يلي كنت ناطر تكتشفه هالسنة!

المزيد في قسم مغامرات على موقعنا!