تكريزة رمضان بالشام: مطاعم مميزة وأماكن ما بتتفوت

قبل دخول رمضان، الشام بتعيش اجواء الها نكهة خاصة. بهالفترة، تكريزة رمضان بتكون فرصة حلوة للطلعة واللمة، وللقاء مع العيلة او الاصحاب قبل ما يبلش الشهر الفضيل. لهيك الناس بتدور على اماكن مريحة، اكل طيب، وعروض بتشجع إنو تكون الطلعة خفيفة وممتعة بنفس الوقت.

وهون جمعنالكم مجموعة اماكن بالشام، كل واحد بطابع مختلف، لتختاروا منها المكان الانسب وتعيشوا تكريزة رمضان على ذوقكم:

1. فوتشيني

فوتشيني مكان بيعرف كيف يرضي كل الأذواق. باستا فوتشيني ألفريدو، برغر، ساندويشات تشكن بأنواعها، وجبات كريسبي، وأصناف بتناسب الصالة والسفري والدليفري. الأكل دسم ومشبع، ومثالي لتكريزة قبل رمضان لما الواحد بدو وجبة مرتّبة طيبة وغنية. خيار حلو للعيلة أو الصحبة.

دمشق – الميدان – مول BIG5 – الطابق الثاني
0968081424

2. قصر كيوان 

قصر كيوان بيقدّم تكريزة رمضان بطابع عائلي راقي. بوفيه غداء غني بالأصناف، أجواء مريحة، ومساحة مناسبة للّمة الكبيرة. في برانش عائلي، وبرانش خاص للسيدات، بتخلي التجربة متكاملة قبل دخول رمضان. المكان مناسب للي بيحبوا التكريزة الهادية مع العيلة وبأجواء مرتبة.

دمشق – المزة – كيوان – خلف مشفى المواساة
0955305555

3. إيميسا كافيه

إيميسا كافيه عنوان اللمة قبل رمضان. بوفيه غداء بيضم أصناف ساخنة وباردة، شرقية وغربية، وكل شي معمول ليجمع العيلة والحبايب. المكان هادي ومريح، ومعه صالة ألعاب للأطفال بتخلي الكل مبسوط. تكريزة هون معناها قعدة طويلة وأكل متنوع ما بينمل.

مشروع دمر – سوق الشام المركزي – المنسوب السادس
0942228333

4. زيك زاك صاج

زيك زاك صاج خيار ممتاز لتكريزة خفيفة وشهية قبل رمضان. المكان معروف بعروضه وأسعاره المخفّضة بهالفترة، خاصة على وجبات البرغر والساندويش. المنيو متنوّع، من تشكن سيزر للفاهيتا والتشكن كاساديا، وكلها أكلات سريعة بس بطعم غني ومشبِع. مناسب لطلعة شباب أو لمة أصدقاء بدها شي عملي ولذيذ.

كفرسوسة – دامسكينو مول B2
0112130308
الشعلان – حبوبي تالت مقابل مكتبة الفنون الجميلة
0949311033 – 0113338086

5. غاردينيا

غاردينيا مكان مناسب لتكريزة رايقة. أجواء هادية، فطور طيب أو غداء مميّز مع عروض خاصة، أطباق متنوّعة ومشروبات وتحلاية بتكمّل الوجبة. المكان مناسب للي بيحبوا القعدات الهادية قبل زحمة رمضان.

كفرسوسة – دامسكينو مول – الطابق الأول
0937257096

6. حكاية جبل

حكاية جبل بيقدّم تكريزة بطابع مختلف. إطلالة جميلة، تراس مفتوح، وسهرات مشاوي بتفتح النفس. الجو مناسب لطلعة مسائية قبل رمضان، مع أكل طيب ومنظر بيخلي السهرة ألطف.

مساكن برزة – خلف قاسيون مول – حرم معهد HIBA
0993551133 – 0996666477 – 0115112341 – 0115141347

7. حد الشباك

حد الشباك بياخدك للطابق 11 لتعيش تجربة فطور أو غدا أو سهرة مع إطلالة على دمشق. أكلات شرقية وغربية، وجو رايق مناسب لتكريزة قبل رمضان بلمسة مختلفة.

شارع الحمرا – فندق بلو تاور – الطابق 11
0959911888

ولتجهيزات رمضان لا تنسوا تزوروا تارغت ماركت صالة ستار بوي:

تكريزة رمضان ما بتكمل من غير تجهيز البيت، وستار بوي هو المكان يلي بيحسّسك إنو رمضان صار عالباب. صالة رمضان فيه متكاملة بكل تفاصيلها، من زينة وإضاءة وفوانيس، لقطع الديكور، مفارش السفرة، الشموع، التعليقات الرمضانية، مستلزمات السفرة، وحتى التفاصيل الصغيرة يلي بتفرق بالأجواء الرمضانية.

كل الأصناف مختارة بعناية لتناسب كل الأذواق، سواء بتحب اللمسة البسيطة أو الديكور الغني. الميزة الكبيرة إنو كل شي موجود بمكان واحد، بتفوت وبتطلع وانت مجهّز بيتك بالكامل للشهر الفضيل، من غير تعب ولا لف ودوران بالأسواق. المكان مرتب، واضح، وسهل الاختيار، وبيخليك تستمتع بالتجهيز وتحس بروح رمضان من أول زيارة.

تنظيم كفرسوسة – دامسكينو مول – الطابق B1

تكريزة رمضان بالشام إلها نكهة خاصة، سواء كانت بطلعة مع الأصحاب، لمة عيلة، أو حتى تجهيزات للبيت.
اختاروا المكان يلي بناسب ذوقكم، واستمتعوا بهالأيام الحلوة قبل ما يبدأ شهر رمضان.

المزيد:

جرب أطيب ترند صاجية بالشام وخصوصي لعشاق لحم الجمل!

 جمعنالك ثلاثة من أفضل الأماكن يلي عم يقدّموا صاجية لحم الجمل على أصولها،