9 مطاعم راقية ومناسبة لسهرة رومانسية مميزة بالشام

السهرة الرومانسية الناجحة بدمشق هي مزيج من مكان راقي، أكل فاخر، وجو مليان إحساس. هي مو مجرد طلعة عشا، هي لحظة بتنبني على تفاصيل صغيرة: إضاءة دافئة، طاولة أنيقة، موسيقى خفيفة، وأطباق بتتحضر بحب قبل ما تتقدم بطعم. لما تكون كل هالعناصر موجودة، العشا بيتحول لهدية حب حقيقية، وذكرى بتضل بالبال. لهيك جمعنالكم أفضل مطاعم رومانسية بالشام بتقدم كل هالتفاصيل لتقضوا فيها سهرتكم المميزة:

1. بيجو بيسترو

بيجو بيسترو عنوان للرومانسية الراقية. من أول خطوة بتفوتها، بتحس إنو المكان مصمم لسهرة حب: ديكور فرنسي أنيق، ألوان دافئة، وإضاءة ناعمة بتخلق جو مليان خصوصية. السهرات الفنية بتضيف روح للمكان وبتكمل الأجواء الساحرة.
الأطباق الفرنسية والغربية مقدمة بذوق عالي، نكهاتها متوازنة وغنية، وكل طبق بهالمكان مليان إحساس. الحلويات هون إلها حضور خاص، خصوصي لوحة الشوكولا يلي بتضيف لمسة فنية بتخلي السهرة مختلفة ومميزة.

الموقع: ساحة المحافظة – ضمن أوتيل برج الفردوس – دمشق
للحجز: 0930405060

2. زد لاونج

زد لاونج بيقدم سهرة رومانسية بإحساس عصري وهادي. الإطلالة المسائية على دمشق، الإضاءة الخفيفة، والموسيقى الناعمة بيخلقوا جو مريح ومثالي لسهرة قريبة من القلب.
المكان مناسب لسهرة مسائية أنيقة، مع أطباق ومشروبات فاخرة مختارة بعناية، وقعدة راقية بتجمع الحب، الرواق، والذكرى الحلوة.

الموقع: فندق أمية – دمشق
للحجز: 0991319991

3. سنديان

سنديان عنوان للرواق والرومانسية. قعدة تحت السما ببيت دمشقي، مع أجواء باب شرقي، وهواء عليل بيخلي السهرة ساحرة. الأكل الشامي الأصيل بيتقدم بمحبة، والجو مناسب لسهرة حب هادئة، قريبة من الروح.

الموقع: باب شرقي – دمشق
للحجز: 0981334444 – 0115435767

4. بيتزاريا

بيتزاريا تجربة إيطالية راقية بطابع رومانسي فخم. الديكور الأحمر الأنيق بيعكس شغف ودفا، والطاولات مرتبة بذوق عالي لتحافظ على الخصوصية مع أجواء وسهرات مميزة.
الأطباق الإيطالية فاخرة بطعمها، من الباستا الغنية للبيتزا المتقنة، نكهات واضحة وتقديم أنيق. السهرة هون بتحسها متكاملة، من الجو للأكل للتفاصيل الصغيرة.

الموقع: فندق الشيراتون – دمشق
للحجز: 0112110001 – 0112110002 – 0991566601

5. المير

المير مكان بيعرف كيف يجمع بين العشق والطرب. أمسيات غنائية بصوت مطربين مميزين، أجواء دافئة، وطاولات مرتبة بتخلي السهرة مليانة إحساس.
الأطباق مختارة بعناية، التقديم راقي، والجو العام مناسب للي بدهم سهرة حب فيها موسيقى ونكهة فنية بمكان أنيق.

الموقع: مدينة الشباب – المزة – دمشق
للحجز: 0116117722 – 0984616616

6. الليوان

الليوان بيقدم تجربة شامية راقية مليانة حنين.قعدة رايقة، وأطباق تقليدية بأسلوب عصري مع طعم الذكريات.
المكان مثالي لسهرة رومانسية هادئة، كل تفصيل فيها مدروس ليخلي اللحظة دافئة ومريحة.

الموقع: فندق الداما روز – دمشق

7. بيت عربي

بيت عربي هو الرومانسية الدمشقية بروحها الأصيلة. قعدات تراثية، طرب، وجو دافي بيقرب القلوب وبيخلي السهرة أحلى. المكان مناسب للي بيحبوا الرومانسية الهادية يلي فيها إحساس وحنين.
الأطباق الشامية الفاخرة مطبوخة بعناية بالإضافة لأصناف غربية ولا أطيب، طعمها لذيذ وتقديمها أنيق، ومع السهرات الغنائية بتصير السهرة حكاية حب شامية بكل تفاصيلها.

الموقع: باب توما – القيمرية – حارة الشاويش
للحجز: 0945422500

8. ذا ريفولفينغ

المطعم الدوّار بيقدم سهرة رومانسية مختلفة بطابع فاخر. الإطلالة المتحركة على دمشق بتضيف إحساس خاص، والطاولات مرتبة بأناقة مع أطباق غربية وشرقية متنوعة لتناسب كل الأذواق.
اختيار مناسب لذكرى حب أو موعد بدك يضل محفور بالذاكرة.

الموقع: فندق الشام – دمشق
للحجز: 0119446

9. آشكم

آشكم هو عنوان الحب اللي بيجمع الذوق التركي والنكهة الشامية الأصيلة، الديكور راقي جداً، وأجوائه حلوة بتقرب القلوب.
الأطباق المتوسطية فاخرة، معمولة بشغف واضح، وتقديمها أنيق. السهرة هون بتحسها دافئة، راقية، ومليانة مشاعر.

الموقع: بوليفارد فندق الفورسيزن – دمشق
للحجز: 0930444333 – 0113323333

بالنهاية السهرة الرومانسية بالشام بتقوم على الذوق، الإحساس، والأكل الفاخر و مطاعم متل هيدي بتقدم كل هالتفاصيل لتعيشوا سهرة حب راقية و رومانسية، وتخلقوا ذكرى بتضل ع البال.

المزيد في قسم رومانسي على موقعنا!