كول وشكور
ترند الشتوية بالشام؟ سكوب الكوكيز لازم تجربوا بهي الأماكن!
بهالبردات، كلنا منفتش على شي حلو بيدفّي القلب قبل الجسم… وهاد الشتاء، في ترند عم يلف الشام من بابها لمحرابها: سكوب الكوكيز الغرقان بالنوتيلا أو الشوكولا الساخنة! أول لقمة؟ بتفاجئك، واللي بعدها؟ إدمان حقيقي. لهيك شو ما كنت مجرب قبل، هالحلو غير شكل!
وهي أفضل الأماكن يلي بتقدّمه بأطيب طعم:
1. سعودي بوكس
الكل عم يحكي عن سكوب الكوكيز من سعودي بوكس، وبصراحة؟ عن جد بيستاهل الضجة! قوام متوازن، حلاوة مثالية، وشوكولا سايحة من جوّا بتخليك تنسى أي شي حلو مجربه قبل. السكوب بيتقدم مع مشروبك المفضل، وبيكون خيار مثالي لسهرة شتوية مع الأصحاب مع جلسة ولا أحلى بالمول.
كفرسوسة – دامسكينو مول
موجودين عَ تطبيق بي أوردر
2. عصير أبو عبدو
معروف من زمان بعصيره، بس اليوم مفاجئ الكل بالحلو! بيقدّم سكوب كوكيز غرقان بالنوتيلا، سخن، وطري، والريحة بتسبق الطعم. أول لقمة فيها بتدوّبك، وبتخليك ترجع تطلبها مرة تانية. الكوكيز بيجي ناعم، وفيه توازن ممتاز بين القرمشة والشوكولا، وكأنّه معمول لينحب من أول مرة. جربه بأي فرع من أفرعه، أو اطلبه على عنوانك.
صالحية – مقابل مخفر الصالحية/011 4444030
الميدان / 011 8888400
كفرسوسة – دامسكينو مول /011 2166333
موجودين عَ تطبيق بي أوردر
3. طويق
محل قهوة مختصة، بس الكوكيز عندهم مو أي كوكيز. بتتقدم القطعة سخنة، مقرمشة من برا دايبة من جوا، غرقانة بالشوكولا السايحة، والريحة بتغري من أول ما توصل لعندهم. أجواء بتخليك تنسى البرد، وتحس بدفا الشتوية ع الاصول.
صحنايا – ساحة الساعة
من الساعة 4 لـ 1 بعد منتصف الليل
4. سويت بايتس
شغل بيت بس بطابع احترافي. الكوكيز عندهم مو بس قطعة، هي تجربة كاملة ليكون السكوب بالحجم اللي بتحبه. كيكة كوكيز محشية شوكولا، مغلفة بطبقة غنية من الشوكولا السايحة، والطراوة فيها متوازنة لدرجة بتخلي كل لقمة ألذ من يلي قبلها. بيتنطلب قبل بيوم، بس عن جد بيستاهل الانتظار.
دمشق
التواصل عبر إنستغرام
5. مطبخ سمر
شغل منزلي معمول بإيدين بتحب الحلويات. كوكيز طرية، سايحة من جوّا، ومحضّرة بمكونات بسيطة بس نكهتها كبيرة. اللي بيجربها مرة، دايمًا بيرجع يطلب. فيها شي من طعمة البيت، وكتير من حب التفاصيل.
دمشق
التواصل عبر إنستغرام
إذا لسا ما جربت، فهاد هو وقتها… سكوب الكوكيز صار ترند حلويات دمشق بالشتوية، وكل مكان من هدول عنده لمسته الخاصة.
جرب وشاركنا رأيك، وخبرنا مين هو صاحب أطيب سكوب كوكيز بالشام؟
الأكثر قراءة هالشهر
أمثال ما بتسمعها إلا بالشام
١٣ سبتمبر ٢٠٢٤
القاموس الشامي: مفردات ومصطلحات اللهجة شامية
٣٠ يوليو ٢٠٢٤
أفضل مراكز تعلم اللغات في دمشق
٠١ أكتوبر ٢٠٢٤
احتفل بمناسبتك بأرقى وأجمل صالات الافراح ب دمشق
١٨ سبتمبر ٢٠٢٤
أشهر محلات الحلويات بدمشق: طعمة بتخليك ترجع كل مرة!
٢٤ سبتمبر ٢٠٢٤
