جرب أطيب ترند صاجية بالشام وخصوصي لعشاق لحم الجمل!

إذا كنت من الناس يلي دايمًا بتدور على الأكلات الغنية والمميزة، فهالموسم جايب معه نكهة صعب تنرفض. صاجية لحم الجمل صارت اليوم من أكتر الأكلات المطلوبة بالشام وريفها، والسبب مو بس طعمها، بل التجربة الكاملة يلي بتعيشها من أول ما تقعد و الصاج قدامك. أكلة شتوية دافئة، دسمة، ومشبعة، عم تنتشر بسرعة بمطاعم دمشق وريفها، والكل عم يحكي عنها. ريحة الشوي، الخضار وهي عم تتحمّر، وطراوة اللحم البلدي… تجربة بتبدأ من النظر، وبتوصل لقلبك قبل معدتك.

لهيك جمعنالك ثلاثة من أفضل الأماكن يلي عم يقدّموا صاجية لحم الجمل على أصولها، من جودة اللحم، التتبيلة، وطريقة التقديم:

مطعم زهرة الغوطة

من أول خطوة بتفوت فيها على المطعم، بتحس إنك داخل على تجربة أكل مختلفة. دفا الصاج عالطاولة، ولحمة الجمل بلدية وفريش، مقطعة بعناية، وعم تتشوح قدامك بدهنة السنام مع البصل والفليفلة وبهارات شامية موزونة. متعة المكان إنك عم تشوف الأكلة وهي عم تنعمل قدامك، وكل مرحلة بتحضّر شهيتك أكتر. الريحة لحالها بتنسّي أي تعب، واللقمة طرية لذيذة وبتدوب دوبان. المطعم بسيط وأنيق، القعدة مريحة بتناسب الجمعات، والخدمة رائعة .

العنوان: دوما
للحجز أو الطلب: 0949030423

مطعم وملحمة الطوخي

للي بيعرفوا الفرق بين اللحم العادي واللحم الطيب، الطوخي هو المكان المناسب. الميزة الأساسية هون إنو اللحمة من ملحمة الطوخي الخاصة، مذبوحة بلدية، ومنتقاة بعناية، وهالشي لحاله بيصنع فرق كبير بالطعم. الصاجية عند الطوخي قوية بالنكهة، متوازنة بالتتبيلة، والخضار مقطعة ومحضّرة على الطريقة الدمشقية. كل لقمة بتأكدلك إنو هالأكلة مو ترند مؤقت، بل أكلة إلها قيمة وطابع خاص لازم يتجرب. القعدة هادئة، والمكان بيجمع بين أصالة الملحمة وراحة المطعم، وهاد الشي بيخلي التجربة مناسبة للعائلات والاصدقاء.

العنوان: التل – قبل جسر حرنة
للاستفسار: 0956564538

مطعم السرايا

إذا بتحب الأكل الشرقي الأصيل ضمن جو مريح ومرتب، مطعم السرايا بيقدملك صاجية لحم جمل متقنة من كل النواحي. ضمن صالات مرتبة ومغلقة، مع أصناف متنوعة غربية وشرقية، بمكونات فريش، وتقديم أنيق، والطبق بينحط قدامك مع مقبلات بتشهي و بتفتح النفس. وهالميزات كلها بتخلي المطعم مناسب للجمعات العائلية والأصدقاء.

  العنوان: دوما – دوار البلدية، مقابل المحكمة
 للتواصل: 963942500740

ليش لازم تجرب صاجية لحم الجمل؟

لأنها أكلة شتوية بامتياز، بتدفي الروح قبل الجسم. لحم الجمل غني بالبروتين، خفيف على المعدة مقارنة بغيره، ونكهته عميقة ومختلفة.
ومع الصاج، والبصل، والفليفلة، والأعشاب، بيطلع طبق متكامل من الطعم والريحة والدفا.جرب الصاجية من هالمطاعم، وخلي تجربتك تكون قصة جديدة بهالشتوية.
اللقمة الطيبة بتنحكى، بس الصاجية بتنحب.

تأكد تزور قسم #كول-وشكور على موقعنا لتشوف المزيد!