كول وشكور
حلويات و شوكولا راقية و مميزة بتلاقوها عند هالمحلات بالشام
بالشتا، في مزاج خاص ما بيكمل إلا بنكهات دافية وغنيّة. شوكولا سايحة، حلويات فاخرة، وقعدة بتخليك تنسى البرد برا. بالشام، في محلات فهمت هالإحساس وقدّمته بتفاصيل راقية، من الطعم للتقديم، ومن الجو للتجربة. وإذا بدك تعيش هاللحظات متل ما لازم، هالعناوين هي الوجهة الصح لعشّاق كلشي شوكولا و حلويات بالشام:
1. فولوتيه شوكولا
شوكولا فاخرة معمولة بذوق عالي وتفاصيل مدروسة. من أبرز الأصناف السوشي الحلو وقطع الشوكولا الأنيقة، قطعة وحدة كفيلة تغيّر المود. بالإضافة للمشروبات الساخنة المميزة مثل شوكليت بومب، غني بالطعم ومناسب لهالجو متوفّر بكل الفروع، وفيك كمان تجربها داخل كافيه فولوتيه ضمن أجواء أنيقة ومريحة.
الميدان – مول ماسة بلازا
شارع حلب – الغساني
المالكي – أبو رمانة
للطلب والاستفسار: 0993011336
2. كوت كافيه
هون الشوكولا إلها وصفة خاصة. معمولة على أصولها، غنية، وكل الأصناف مغمورة فيها من البراونيز، الوافل، البان كيك والتشوروز مع الكثير من الشوكولا للتغميس. المكان دافي، القعدة مريحة، والطعم فعلاً بيدفّي القلب. تجربة مناسبة للي بيحبوا الشوكولا الثقيلة والنكهات الواضحة.
الجسر الأبيض – دخلة الدكتور زياد باغ
للطلب والاستفسار: 0987002692
3. دوبامين شوكولا
اسم بيعكس التجربة. شوكولا، كريب، وكيك بنكهات بتعدل المزاج. الأصناف الخاصة عند دوبامين، متل الكريب المميّز، بتجمع بين الطعم الغني والتقديم العصري. مكان شبابي، خفيف، ومليان طاقة.
ضاحية قدسيا – جزيرة إي واحد ضمن بيت الخبز
للطلب والاستفسار: 0954780782
4. حلويات الكينغ
من أصالة النكهة لرفعة الذوق. الكينغ اسم معروف بعالم الحلويات العربية والغربية، من البقلاوة والهريسة للبراونيز والكريب الغني بالشوكولا، ومع كاسة نسكافيه ، بيعمل قعدة شتوية دافية بتفتح النفس.
فرع التل – موقف مساكن حرنة
فرع التل – مقابل الجامع الكبير
للطلب والاستفسار: 0115911218 – 0115915673 – 0115910673 – 0988978203
5. محمود بيه أمية كلاس
اسم أيقوني بعالم الحلويات والآيس كريم. كل لقمة مدروسة، قوام كريمي، وطعم غني بيخلّي التجربة مميّزة من أول مرة. عنوان للرقي بالحلو، سواء كنت من عشّاق الشوكولا، السينابون أو الأبل بايت رح تلاقي طلبك وفيك تطلبهم عالبيت كمان مع خدمة التوصيل المجانية.
عرنوس – القصور – مساكن برزة – المزة – الميدان – مشروع دمر
للطلب والاستفسار: 0984667667
بالختام الحلويات والشوكولا بالشام مو بس مزاج… هي تجربة كاملة. من شوكولا فاخرة، لكافيهات دافية، ولمحلات حلويات عريقة، هالعناوين بتضمنلك لحظات حلوة تليق بذوقك. وأنت… أي مكان ناوي تبدأ فيه؟
الأكثر قراءة هالشهر
أمثال ما بتسمعها إلا بالشام
١٣ سبتمبر ٢٠٢٤
القاموس الشامي: مفردات ومصطلحات اللهجة شامية
٣٠ يوليو ٢٠٢٤
أفضل مراكز تعلم اللغات في دمشق
٠١ أكتوبر ٢٠٢٤
احتفل بمناسبتك بأرقى وأجمل صالات الافراح ب دمشق
١٨ سبتمبر ٢٠٢٤
أشهر محلات الحلويات بدمشق: طعمة بتخليك ترجع كل مرة!
٢٤ سبتمبر ٢٠٢٤
