فندق بتصميم دمشقي ساحر وسعر اقتصادي وين بـ دمشق؟

لما تخطّط تزور دمشق، اختيار فندق مو تفصيل صغير، لأن الموقع والجو العام بيفرقوا كتير بتجربة السفر. فإذا عم تدور على مكان يجمع الروح الشامية، الموقع المركزي، والسعر المناسب، فـندق المدينة الدمشقي بيكون خيار ذكي ورائع. الفندق موجود بقلب دمشق تماماً، قدّام جسر فكتوريا، بمكان بيخلّيك قريب من كل شي. الأسواق القديمة، المطاعم، المقاهي، ووسائل النقل كلها حواليك. فيك توصل خلال دقائق لسوق الحميدية، الجامع الأموي، المتحف الوطني، وبنفس الوقت أنت قريب من الأسواق الحديثة متل الشعلان والحمرا. الموقع لحالو نقطة قوّة، بس اللي بيميّز المكان أكتر هو إحساسه وروحه.

بيت دمشقي… مو فندق عادي

من أول ما تفوت، بتحس حالك داخل بيت دمشقي قديم، مو فندق تقليدي. الخشب المحفور، النقوش الشامية، وخشب الموزاييك على السقف والجدران بيعطوا إحساس دافي وأصيل ومتعة بصرية بسحرالفن العريق. الديكور معمول بعناية ليحافظ على الهوية الدمشقية، من اللوبي للممرات، من المصعد للمطعم، وحتى التفاصيل الصغيرة متل البحرات الرخامية اللي بتكمّل المشهد وبتخليك تعيش أجواء الشام الحقيقية.

المكان محافظ على روحه، وبيقدّم الضيافة الدمشقية بأسلوب لطيف ومريح.

غرف مريحة… كل شي فيها محسوب

فندق المدينة الدمشقي مؤلف من أربعة طوابق، بكل طابق عشر غرف، باستثناء طابق واحد فيه ثلاث غرف، وهالشي بيعطي تنوّع بالخيارات. الغرف متوفرة بأنماط مفردة، مزدوجة، وثلاثية، ومناسبة للأفراد والعائلات. كل الغرف مرتّبة، نظيفة، ومجهّزة بحمام خاص، شاشة تلفزيون مع جهاز استقبال، براد صغير، وتكييف شغّال صيف وشتا. الكهرباء والماء الساخن متوفرين على مدار الساعة، والواي فاي سريع ومستقر بكل أنحاء الفندق، لتكون الإقامة مريحة سواء كانت قصيرة أو طويلة.

فطور شامي ليبلّش نهارك صح

الصبح بفندق المدينة إلو طعم مختلف. فطور شامي تقليدي، فريش، ومقدّم بأسلوب دافي وبسيط، بيخلّيك تبدأ نهارك مرتاح ومبسوط قبل ما تطلع تكتشف دمشق.

خدمات بتهمّك فعلاً

الفندق بيقدّم استقبال على مدار الساعة، وفريق عمل حاضر ولبق بيهتم بالتفاصيل. الإنترنت سريع بكل المرافق، وفي خدمة تاكسي بالتعاون مع تطبيق يلا غو لتأمين التوصيل من وإلى المطار أو التنقّل داخل المدينة، وهي نقطة مهمّة للي جايين زيارة أو شغل.

أسعار مناسبة لإقامة مريحة

فندق المدينة الدمشقي بيقدّم أسعار مدروسة بتناسب الزوّار اللي بدهم إقامة مريحة بقلب العاصمة، مع فطور شامي مشمول ضمن السعر.

غرفة ديلوكس لشخص واحد بسعر 60 دولار شامل الفطور.
غرفة ديلوكس لشخصين بسعر 70 دولار شامل الفطور.

الأسعار بتعكس توازن حلو بين الموقع، الراحة، والخدمة، وبتخلّي الإقامة خيار عملي سواء للزيارات القصيرة أو الإقامات الأطول. 

معلومات التواصل والحجز

 دمشق – جسر فكتوريا – خلف سينما سيتي
 هاتف: 0112219375
 هاتف: 0112210024
موبايل: 0942210024
   

المزيد في قسم فنادق على موقعنا!