لأول مرة بالشام ميستري بوكس لدعم المنتجات المحلية!

ميستري بوكس هي مبادرة جديدة بالشام هدفها توصل المنتجات الوطنية المحلية لكل بيت، بطريقة ممتعة، مشوقة، وبسعر متاح للجميع. صندوق صغير، بس جواته دعم حقيقي لمشاريع ومواهب سورية عم تشتغل من قلبها. ومن اليوم، صار فيك تطلب ميستري بوكس، ويوصلك لعندك لباب البيت، وتحصل على مفاجأة سورية الصنع، أو خدمة مميزة مقدّمة من أصحاب أعمال محليين مشاركين بالمبادرة.

شو هي فكرة الميستري بوكس؟

فكرة بسيطة، بس معناها كبير. بتطلب صندوق بسعر رمزي يتراوح بين دولار واحد وخمسة دولارات، وبتوصلك مفاجأة. يا إمّا منتج محلي سوري مصنوع بحب، يا إمّا هدية مميزة مثل : خدمة تجميلية، قصة شعر مجانية، أو تجربة مختلفة مقدّمة من مواهب سورية مشاركة. كل صندوق هو فرصة تكتشف شي جديد، وتكون بنفس الوقت عم تدعم منتج وطني.

دعم المنتج المحلي… بطريقة قريبة من القلب

الميستري بوكس مو مجرد هدية، هو مشاركة فعلية بدعم أصحاب المشاريع الصغيرة، الحرفيين، صانعي الهدايا، مقدّمي الخدمات، وأصحاب المواهب المحلية. كل بوكس هو مساحة لمنتج سوري يوصل لناس جدد، وينحكى عنه، وينتشر.

فكرة صغيرة، بس أثرها كبير، لأن الدعم الحقيقي بيبدأ بخيارات بسيطة.

مواهب ومشاريع سورية مشاركة

الميستري بوكس بيتعاون مع مجموعة مميّزة من المشاريع المحلية (ورد وفل – Ha Mesk – Bee Patisserie – Golden Look – TikTakBoom – BD Beauty)، من بينها صانعي الهدايا والتوزيعات، مقدّمي منتجات العناية الطبيعية بالبشرة والشعر، محال الحلويات والمعجنات، صالونات العناية، وألعاب مبتكرة للكبار والصغار. وكل فترة، في أسماء جديدة عم تنضم، ومفاجآت مختلفة عم تدخل بالصناديق.

ليش الميستري بوكس فكرة مميزة؟

لأنها بتجمع بين متعة المفاجأة، ودعم المنتج الوطني، بسعر رمزي بيوصل لكل الناس. تجربة بسيطة، بس بتفتح الباب لاكتشاف مشاريع سورية يمكن ما كنت تعرفها من قبل، وبتخليك جزء من قصة دعم حقيقية.

سؤال لإلك

لو فيك تختار منتج وطني يكون داخل المايستري بوكس… شو بتحب يكون؟

اطلب اليوم وشارك بالدعم

السعر من دولار واحد إلى خمسة دولارات
التوصيل لباب البيت
الطلب والتواصل عبر الرسائل

ميستري بوكس في سوريا: عيش متعة المفاجأة، وادعم منتج بلدك

شوفوا قسم ادعم محلي للمزيد!