أفضل 5 نوادي رياضية للسيدات في دمشق

مع ازدياد النوادي الرياضية المخصصة للسيدات بدمشق، صار اختيار النادي المناسب خطوة أساسية لكل امرأة بتحب تعيش يومها بطاقة أعلى وشكل أجمل ونفسية أحلى. لهيك جمعنالك أفضل 5 نوادي رياضية للسيدات في دمشق النوادي اللي فعلاً قدرت تثبت اسمها بخبرة مدرّبينها، قوة أجهزتها الرياضية، وتنوع صفوفها:

1. نادي ماري الرياضي

صالة ماري الرياضية من النوادي اللي إلها شعبية بين البنات بسبب دفء المكان ولطافة المدربات. كل يوم فيه صف مختلف، من التمارين الهوائية اللي بتنشّط الجسم، لصفوف الشدّ اللي بتركّز على “النحت الأنثوي”، ولصفوف الرقص الشرقي يلي بتعزّز الليونة والطاقة بطريقة ممتعة. وفيه حصص مرونة وتمديد و بيلاتس لتساعدك تخففي آلام الظهر والرقبة، بالإضافة لصفوف X55 القوية الحارقة اللي بتشتغل على كامل الجسم. النادي بيجمع بين الحركة والمتعة بطريقة تخلي التمرين عادة محببة بأجواء أنثوية، لطيفة، وبناتية 100%.

العنوان: التجارة – شارع الكزبري – أول طلعة عازار
الهاتف: 0947283832

2. نادي المالكي الرياضي

نادي معروف بين سيدات دمشق، خصوصاً للّي بتحب الرياضة الحماسية مثل صفوف الدراجة الثابتة يلي فعلاً “بتطيرك طيران”. ومعها تمارين شد الجسم وتمارين لياقة بدنية ضمن حصص جماعية مليانة طاقة ومتعة. المكان راقي، مرتب، والمدرّبين عندن خبرة واضحة بأساليب التدريب الحديثة. بإختصار النادي بيقدّم أجواء حماسية بتخلي كل زيارة خطوة لقدّام بنشاطك ورشاقتك.

العنوان: المالكي – شارع عبد المنعم رياض
الهاتف: 0113719281

3. نادي بالوران الرياضي (مركز اللياقة البدنية)

إذا كنتي من السيدات اللي بتحب الأجواء الراقية والتمرين على أجهزة حديثة جداً، فبلوران هو المكان المثالي. نادي واسع وتفاصيله أنيقة، ومع كل جلسة تدريب بتحسّي إنك عم تشتغلي على جسمك وصحتك بأعلى معايير الاحتراف. النادي بيركّز على تمارين اللياقة والقلب، وتمارين المقاومة والقوة، وبوفّر أجهزة حديثة بتساعدك تشتغلي بشكل مدروس وصحيح. المكان مريح نفسياً، وفعلاً بيعطي تجربة تدريب مختلفة.

العنوان: داخل فندق الفورسيزن – دمشق

4. نادي جيم ستون الرياضي

جيم ستون من النوادي اللي قدرت تجمع بين التدريب الجدي والطاقة العالية. المدرّبين عندن خبرة عالية، والصفوف دايماً مليانة نشاط وحماس، خصوصاً صفوف الدراجة الثابتة المخصصة للسيدات ومشهورة بقوة الإيقاع والأجواء المليانة طاقة، ومعها جلسات تدريب بتركّز على القوة وشدّ العضلات متل الغلوتس، وتمارين لياقة بتشتغل على التحمل والتنفس. النادي معروف إنو بيعطي نتائج واضحة إذا التزامك منتظم.

العنوان: جواهر لال نهرو – دمشق

5. مركز المواز للصحة والرياضة

المواز مركز مناسب للسيدات اللي بدها رياضة شاملة ومتابعة صحية بنفس الوقت. المكان بيقدّم صفوف يوغا بتركّز على الاسترخاء وتخفيف التوتر وتنظيم النفس، مع صفوف هوائية بتعطي نشاط عالي وبتحرّك الجسم بطريقة مدروسة، بالإضافة لصفوف الرقص الشرقي والايروبيك يلي بتعطي مرونة وحركة خفيفة ممتعة. المركز كمان بيهتم بالتغذية والمتابعة اليومية، لحتى تكون النتيجة متكاملة بين رياضة ونمط حياة صحي. جوّه مريح، والمدرّبات لطيفات وبيعرفوا يشتغلوا مع كل الأعمار وكل المستويات.

العنوان: كورنيش الميدان – المنصور – دمشق
الهاتف: 0118817782

كل نادي من هالنوادي الرياضية الخمسة فعلاً بيقدم قيمة حقيقية من تدريب محترف لنتيجة ملموسة لتحسين النفسية والمزاج.

اختاري المكان اللي بتحسّي إنو بيشبهك… وخلّي الرياضة تكون جزء جميل من يومك، مو مجرد واجب.

المزيد في قسم رياضة ونشاطات على موقعنا!