كول وشكور
6 أماكن بتقدملك بيتزا بلمسة جديدة : كراب، شاورما، وأكتر. وين بالشام؟
لما يجتمع حبك للـ بيتزا مع رغبتك بتجربة نكهات جديدة، بتصير هالمطاعم بالشام هي وجهتك الصح. كل محل بيقدملك لمسة خاصة: من بيتزا الشاورما المليانة نكهات، لبيتزا الكراب الغنية، لعجينة معمولة بحرفية عالية بتخلي كل لقمة حكاية.
جاهز تبلش الجولة؟ يلا نبدأ:
1. غرين آبل
من أول لقمة، رح تحس إنو البيتزا هون مو تقليدية. بيتزا الكراب، الشاورما، شنغهاي أو بيتزا الفرانشيسكو عند “غرين آبل” مو بس جديدة، هي فعليًا بتفاجئك بتركيبتها. العجينة هشة، المكونات فريش، والتتبيلة بتخلي كل لقمة تقول: “بدي كمان!”.. مكان مناسب لكل حدا بدو يغيّر جو وياكل شي طيب عن جد.
الموقع: دمشق – الشعلان – دخلة السبكي
الهاتف: 0112024
2. بيتزا بينو
من البيتزا السبيشال للتركي المدخن، الذرة، والأجبان… بينو بيقدم بيتزا بطابع عصري وبنكهات جديدة. كل شي عندهم معمول من مكونات فريش، والعجينة اللذيذة والطرية بتحببك بكل الأنواع، لهيك إذا كنت من عشاق التنويع والتجديد ما إلك إلا بينو.
الموقع: دمشق – تايم سنتر مول – ساحة العباسيين
الهاتف: 0950406344
3. بيتزا دي روما
البيتزا هون بتاخدك بجولة من النكهات المتنوعة بيتزا الببروني، الفصول، أو بيتزا الروكا بخضار فريش وصوص بيجنن. الطعمة كلاسيكية بلمسة فخمة، والعجينة لذيذة وخفيفة عالقلب.
الموقع: دمشق – المالكي مول – الطابق الأرضي
الهاتف: 0995117000
التوصيل متوفّر عبر Beeorder
4. كراستي بيتزا
البيتزا من كراستي بتجيك عالعنوان بسخونة الفرن ونكهة الحب. كل قطعة معمولة من مكونات فريش، وصوصات مدروسة بعناية. عجينتهم فيها قرمشة خفيفة بتحبها من أول لقمة، والنكهات المتنوعة بتسحرك وبتخليك تنغرم بالبيتزا أكتر.
الموقع: المالكي – امتداد السفارة الباباوية باتجاه دوّار الحصان
الهاتف: 0113336994 – 0113336993 – 0934008005
التوصيل متوفّر عبر Movo وBeeorder
5. أوهايو بيتزا
هون الطعمة بتاخدك لعالم تاني! بيتزا الحبش المدخن، الهوت دوغ، والفيلاديفيا أو بيتزا الشيش ، نكهات غنية ومبتكرة، والعجينة الخفيفة بتكمل القصة. إذا بدك وجبة لأخرالليل تروقلك مزاجك، أوهايو هو الجواب.
الموقع: دمشق – الميدان – مول البيغ فايف
الهاتف: 9531 – 9532
التوصيل متوفّر داخل دمشق وريفها
6. الفطيرة الساخنة
من بيتزا الرانش، للمحشية الأطراف، لهواة الجبنة والصوصات المتقنة… كل صنف عندهم قصة. طعم غني، مكونات فريش ولا أطيب، والبيتزا متل ما لازم تكون: سخنة، دسمة، ومشبعة.
الموقع: فرع المالكي – جادة البزم / فرع كفرسوسة – دماسكينو مول
الهاتف: 3738965 – 3738964 / 5014
هدول المحلات بالشام مو بس بيقدموا بيتزا جديدة لكل حدا حابب يجرب شي مميز، بمكونات فريش ونكهات تضل ع البال. وهلأ خبرنا وين رح تكون أول تجربة لإلك؟
الأكثر قراءة هالشهر
أمثال ما بتسمعها إلا بالشام
١٣ سبتمبر ٢٠٢٤
القاموس الشامي: مفردات ومصطلحات اللهجة شامية
٣٠ يوليو ٢٠٢٤
أفضل مراكز تعلم اللغات في دمشق
٠١ أكتوبر ٢٠٢٤
احتفل بمناسبتك بأرقى وأجمل صالات الافراح ب دمشق
١٨ سبتمبر ٢٠٢٤
أشهر محلات الحلويات بدمشق: طعمة بتخليك ترجع كل مرة!
٢٤ سبتمبر ٢٠٢٤
