20  كلمة وجملة شامية ما بتسمعهم إلا بالمطبخ !

المطبخ الشامي إلو حضوره الخاص… نكهة، ريحة، وطريقة حكي ما بتنسمع بأي مكان تاني. وإذا في شي بيميز بيوت دمشق عن غيرها، فهو الكلمات اليومية يلي بتنقال وسط الطبخ، وبتحمل معها عفوية ودفى البيت الشامي. هالكلمات إلها طابعها، فهمها سهل لأهل الشام… واللي بيعرف معناها، غالباً كبر ببيت ريحته طبخ طيب وخبز سخن. وهون جمعنالك أهم 20 كلمة وجملة شامية ما بتسمعيهم إلا بالمطبخ الدمشقي، مع معناهم بطريقة بسيطة وواضحة:

١– أمعّي البامية

 إزالة رأس البامية بطريقة محددة.

٢– لقّمي الإبريق

يعني ضيفي الشاي عالماء المغلي.

٣– إسلي الدهنة

تذويب دهن الخروف على نار هادئة لتصفيته وتجهيزه للطبخ.

٤– كبجاية

ملعقة كبيرة مخصصة للمرقة والسوائل.

٥– كفكير

أداة مثقبة لرفع المقالي وتصفيتها من الزيت.

٦– مغرفة

ملعقة كبيرة للسكب والتحريك… ما بيخلو منها أي مطبخ شامي.

٧– اشمليش

زبيب بلا بذر.

٨– ستّاتي

قطايف مقلية ومقرمشة، عادة رمضانية شامية أصيلة.

٩– عصافيري

قطايف صغيرة مو مقلية، بتنحشى قشطة و بتتقدم كنوع حلو بارد.

١٠– تفوير الفول

سلق خفيف للفول قبل التفريز ليضل محافظ على لونو ونكهته.

١١– نئّزي العدس

ضيفي مي باردة على العدس خلال السلق ليستوي أسرع.

١٢– نملية

خزانة المطبخ الخشبية التقليدية بكل بيت دمشقي قديم.

١٣– روّبي الحليبات

حولي الحليب للبن ليصير قوامه متجانس.

١٤– زيدي النصبة

ضيفي شوية مرقة أو ماء على طبخة الرز.

١٥– فلفلي الرزّات

يعني اطبخي رز بشعيرية.

١٦– هوسي البصلات

شوّحي البصل ليدبل.

١٧– رصّي المكدوسات

رتّبي البيتنجان المسلوق بدون فراغات لكدسهم وإخراج المي منهم تجهيزاً لتحويلهم لـ مكدوس.

١٨– خرّطي الفاصوليات

قطّعي الفاصوليا بشكل متساوي قبل طبخها.

١٩– فرمي البئدونسات

قطّعي البقدونس ناعم، وهو عنصر أساسي بالسلطات الشامية.

٢٠– إشي الزفرة

شيّلي الزفرة من اللحمة أو المرق.

 إذا انبسطت بهالمقال ، تأكد تزور قسم #بالشامي على موقعنا لتشوف المزيد!