وين نروح
وين بتلاقي أفضل المسابح الشتوية المغلقة و المدفأة بدمشق؟
الشتوية بالشام ما عاد تمنعك من نشاط منعش ودافئ، لأن المسابح المغلقة والمدفأة بدمشق بتوفر لك تجربة سباحة متكاملة براحة وخصوصية وخدمات مميزة. سواء بدك تسبح، تتدرّب، أو تعلّم ولادك، في أماكن بتجمع النظافة، الأجواء الحلوة، والمدربين المحترفين.
وهون اخترنالك أفضل المسابح الشتوية بدمشق لتختار منها المكان يلي بناسبك:
1. مسبح سبارك
أجواء حماسية ودافئة بنفس الوقت. مسبح مغلق ومدفّأ، مثالي للتدريب أو الترفيه، مع أوقات خاصة للنساء والرجال، ومدرسة سباحة للأطفال. والمكان فيه كافيه وجلسات لطيفة دافئة بعد السباحة.
العنوان: المزة أوتوستراد – نزلة الأكرم – مدينة الشباب
الهاتف: 0943313336
2. في آي بي سبا /الآب تاون
هالمكان مو بس مسبح، هو واحتك الخاصة للراحة والاسترخاء. أجواء فاخرة، بخار دافئ، جلسات ساونا، جاكوزي، حمام مغربي، وخدمة راقية بكل تفاصيلها. المكان مثالي لتخفيف التوتر وتجديد الطاقة وسط ديكور أنيق وهادئ.
العنوان: امتداد مزة فيلات – جانب حديقة الوحدة
الهاتف: 0119744 – 0936123123
3. مجمع القرية البيضاء
الوجهة المثالية إذا بدك استرخاء وسط رفاهية وخصوصية عالية جداً. مسبح مغلق ومياه دافئة وسط أجواء فخمة وهادية. وبيقدملك خدمات استجمام متكاملة، جلسات داخلية دافئة ضمن فلل راقية بإطلالة مريحة، مع أماكن خاصة للشواء وجلسات خارجية لاستقبال دفء الشمس. مناسب للأفراد أو العائلات.
العنوان: طريق المطار – الجسر الخامس – جانب مطعم ألف ليلة وليلة
الهاتف: 0993337352 / 0993337353
4. نادي ومسبح ماغما
مسبح ماغما وجهة مميزة للسباحة الشتوية بكل المقاييس. المكان بيوفّر سباحة حرة بأوقات مخصصة للرجال، وأوقات خاصة للسيدات، مع دورات تدريب سباحة للأطفال خلال عطلة الشتاء. وحالياً عم يقدّم تدريب احترافي خاص للسيدات، وبيناسب كل المستويات من المبتدئات للمتمرسات.
يعني سواء حابب تحافظ على لياقتك، أو تدلّل حالك بساعة راحة وانتعاش، المكان مجهّز ليعطيك تجربة متكاملة بأجواء دافئة وخصوصية عالية.
العنوان: كفرسوسة، الشام سنتر – طابق P1
الهاتف: 0966119962 – 0112110941
5. مسبح جرمانا العائلي
إذا حابب جو عائلي بسيط ومريح، مسبح جرمانا هو الخيار المناسب. مسبح شتوي مغلق، دورات سباحة للصغار والكبار بكوادر متخصصة، وفيه مطعم وكافيه وتراسات بتخليك تقضي وقتك بأجواء شتوية عائلية دافئة.
العنوان: جرمانا – ريف دمشق
الهاتف: 0936757647
البرد ما عاد عذر لتترك السباحة! المسابح الشتوية بدمشق صارت تجربة متكاملة من النشاط، الراحة، والفخامة.
جرّب واحد من هالأماكن، وخلي شتويتك دفا، رفاهية، واستجمام ما بينتسى!
الأكثر قراءة هالشهر
أمثال ما بتسمعها إلا بالشام
١٣ سبتمبر ٢٠٢٤
القاموس الشامي: مفردات ومصطلحات اللهجة شامية
٣٠ يوليو ٢٠٢٤
أفضل مراكز تعلم اللغات في دمشق
٠١ أكتوبر ٢٠٢٤
احتفل بمناسبتك بأرقى وأجمل صالات الافراح ب دمشق
١٨ سبتمبر ٢٠٢٤
أشهر محلات الحلويات بدمشق: طعمة بتخليك ترجع كل مرة!
٢٤ سبتمبر ٢٠٢٤
