جوجوي: أول مساحة فنية و ترفيهية بالشام مخصّصة للبنات فقط! (مع الأسعار)

إذا كنتِ عم تدوري على طلعة مختلفة بالشام، فيها ألوان، ضحك، وجو بيخلّي يومِك أحلى، فـ جوجوي هو المكان المناسب إلك. مساحة فنية ترفيهية اجتماعية بتجمع البنات على تجربة ممتعة بترجع الشغف وبتكسر الروتين، بطريقة بسيطة ومريحة ومسلية كتير. هون بتعملي شي جديد من صنع إيدِك، وبتتعرفي على بنات من نفس الجو، وبتعيشي تجربة مليانة فن ومتعة.

فكرة الورشة

جوجوي انعمل ليكون مساحة بتطالعك من زحمة الأيام. هدفه إنك تجربي تجربة فنية مختلفة، تتسلي، تضحكي، وتعملي شي بتحبيه… بعيد عن أسلوب الكورسات وصفوف التعليم. المكان كله مُهيّأ ليعطيك راحة، خصوصية، وأجواء لطيفة للبنات.

الورشات المتوفرة:

ورشة الرسم على الكانفس

لوحة قماش جاهزة، ألوان، فرش، ومكان هادئ… بتبلّشي ترسمي لوحتك الخاصة وبتاخديها معك بنهاية الجلسة.

ورشة الرسم على الفخار

بتختاري قطعة فخار: فنجان، صحن، أو مزهرية وبتلوّنيها بأسلوبك. المواد كلها جاهزة، والنتيجة قطعة فنية بتصير جزء من غرفتك.

ورشة الرسم على الحقائب القماشية (توت باغ)

حقيبة قماش بتصميمك الخاص. رسمة، كلمة، مانديلا… بتعملي حقيبة بتشبهك وبتناسب ستايلك.

ورشة تلوين أشكال من الجبصين

أشكال جبصين لطيفة وجاهزة للتلوين متل :شخصيات، قلوب، ورود بتلوّنيها وبترجعي بقطعة تزيّن زاوية غرفتك.

ورشة تشكيل بالفوم Clay Foam

مادة لينة، سهلة التشكيل وملوّنة… بتعملي منها مرايا مزينة وأشكال لطيفة من خيالك.

ورشة التطريز

ورشة هادئة ومرتبة، بتطرزي لوحة صغيرة بألوان وخيوط بتختاريها، وبنهاية الجلسة بتنحط بإطار أنيق بتاخديه معك.

شو بتتضمن الورشة؟

جميع الأدوات والمواد المطلوبة حسب كل ورشة
موسيقى رايقة وجو مريح
ضيافة بسيطة

خصوصية كاملة للبنات
طاقة إيجابية وأجواء اجتماعية لطيفة

والقطعة اللي بتعمليها… إلك بالكامل، بتاخديها معك عالبيت كتذكار من التجربة

الأسعار حسب كل ورشة

• ورشة تشكيل بالفوم على مرايا قطر 20 سم: 100,000 ل.س
• ورشة تلوين الأشكال الجبصينية: 70,000 ل.س
• ورشة الرسم على الكانفس: 75,000 ل.س
• ورشة الرسم على الفخار: 90,000 ل.س
• ورشة الرسم على الحقائب القماش: 100,000 ل.س
• ورشة التطريز: 85,000 ل.س

الأسعار تشمل الأدوات كاملة، وما في أي تكاليف إضافية.

تفاصيل المكان والحجز

المكان: تراس خاص للبنات فقط – كورنيش الميدان، بالقرب من جامع المنصور
مدة الورشة: ساعتين
عدد المشاركات: محدود لضمان الراحة وجودة التجربة
الحجز: يفضل قبل أسبوع أو يومين على الأقل
التواصل والحجز عبر الواتساب 0958443581

جوجوي هو المكان يلي بتكوني فيه على طبيعتك،بتستمتعي، وبتعيشي تجربة فنية من القلب…
تعالي، وخلّي يومِك غير شكل.

انبسطتوا بهالمقال عن جوجوي أول مساحة فنية وترفيهية بالشام مخصّصة للبنات فقط؟ تأكدوا تزوروا قسم #وين نروح على موقعنا لتشوف المزيد!