5 مطاعم بيتزا لتجرب النكهة المميزة بالشام

البيتزا بدمشق صارت فن، والمطاعم عم تتنافس على تقديم الأفضل وصار في أكتر من وجهة بتقدملك البيتزا الإيطالية الأصلية مع لمسة عصرية. فـ إذا كنت من محبي الـ بيتزا وبدك تجربة تستحق بالشام، جرب أحد هالمطاعم يلي تميّزت بالنكهة، بالجودة، وبالتفاصيل:

1. نابولي

نابولي مطعم مختص بالبيتزا الإيطالية الحقيقية، بعجينة نابوليتانا مخبوزة عالحجر. النكهة فيها بساطة وأناقة، والمنيو فيه تنوع بين المارجريتا والبيبروني وغيرها أصناف كتير. الديكور بسيط، والقعدة رايقة، والمكان ضمن ساحة المطاعم بأبو رمانة، جوّه حيوي و راقي.

العنوان: ساحة المطاعم، أبو رمانة

2. دومو ميلان

دومو بيقدملك بيتزا نابوليتانا معمولة على الأصول، بعجينة خفيفة بتطلع من الفرن مباشرة للسفرة، مع صوص غني وجبنة موزاريلا ولا أطيب. النكهة واضحة والمكونات متوازنة، والجلسة بتكمل التجربة، سواء على التراس الصيفي أو بالداخل المكيف. القائمة متنوعة والمشروبات فريش، والمكان مناسب للعائلات أو الأصدقاء.

العنوان: المالكي، شارع عبد المنعم رياض

3. فيفيد كافيه

فيفيد بيقدم بيتزا بطابع خاص، عجينة خفيفة، شكل مشهي، ونكهات بترضي مختلف الأذواق. البيتزا عندهم مو بس شكل، الطعمة فيها متقنة، والخدمة سريعة والمكان مرتب. المطعم بمنطقة الشعلان، وبيوفر جلسات مريحة مع قائمة وجبات وأطباق متنوعة.

العنوان: الشعلان، خلف بلو تاور

4. ترف كافيه

في ترف، البيتزا جزء من تجربة أكل متكاملة. العجينة رقيقة، الأطراف مقرمشة، والحشوات مدروسة بعناية. الديكور راقٍ والجلسات هادئة، والمكان بيجمع بين الراحة والذوق. إذا كنت بدك مكان هادئ تاكل وجبتك المفضلة مع خدمة جيدة، ترف خيارك الأنسب والأجمل.

العنوان: المزة، مجمع السندباد

5. ماجيستي

ماجيستي بالشام بيقدملك بيتزا بنكهة متوازنة، من العجينة للمكونات كلها. الصوص غني، الجبنة دايبة، وكل لقمة بتسحرك بطيابتها. المكان بأجواء عصرية وشبابية، مناسب للغداء أو العشاء، مع جلسة مريحة وخدمة سريعة.

العنوان: أوتوستراد المزة، مقابل فندق الجلاء

جرب أحد هالمطاعم، ورح تلاقي فيها وجبتك المفضلة بنكهة مميزة وقعدة بتضل عالبال!

تأكد تزور قسم #كول-وشكور على موقعنا لتشوف المزيد!