3 مطاعم بدمشق بتجمع العيلة على سهرة طرب شامية

بدمشق، السهرة مو بس طاولة وأكل… السهرة هي لمة، نغمة، وضحكة من القلب. وإذا كنت عم تدور على مكان فيه طابع عائلي، أجواء رايقة، وأكلات طيبة، مع صوت العود و الطرب الأصيل، جمعنالك 3 مطاعم تميزوا بجوّهم وذوقهم، وكل واحد فيهم بيحكي سهرة طرب شامية بطريقته:

1. مطعم جولي

الطرب لما يختلط بروح الشام، بيصير اسمه جولي.كل شي بهالمكان بيحكي عن دفى القعدة، من الديكور الدمشقي، للخدمة الراقية، للأكل الشهي. بس سرّ جولي الحقيقي هو سهراته. طرب حي، فنانين مميزين، وجو بيعدلك مزاجك من أول دقيقة. المطعم بيقدّم تشكيلة واسعة من الأطباق الشرقية والغربية، يعني بتبلّش القعدة بأكلة طيبة، مشروب يروق البال، وبتكمّل بس صوت الطرب يعلى، ويحملك على طبقات من المزاج العالي، مع معزوفات بتنقلك من تعب اليوم لقعدة كلها دفى. وإذا كنت من محبي المباريات المكان بيعرض مباريات كرة القدم ببث مباشر، مع أجواء حماسية بتكمّل الجو.

العنوان: باب توما – طلعة الشاويش – مقابل الكنيسة المريمية

للحجز: 0989889922 – 0115432526

2. مطعم وراق الزمن

اللمة الحلوة إلها مكان خاص، ووراق الزمن هو عنوانها. المطعم بيقدم أجواء عائلية بامتياز، مع أطباق شرقية وغربية بتليق بكل الأذواق، وسهرات طربية يومية بتخلي القعدة أطول وأحلى. الموسيقى، اللمة الطيبة، والضحكة الحلوة… كله بيجتمع بهالمكان. وراق الزمن بيستقبلكم كل يوم بسهرة جديدة، وفنان جديد، بس الروح هي هي: شامية، بسيطة، وبتضل معك.

العنوان: القيمرية – دمشق القديمة

للحجز: 0989889922 – 0115432526

3. مطعم المير

لما تنقال سهرة فخمة ومليانة طرب، لازم ينذكر اسم المير. المكان واسع، أنيق، وخياراته كثيرة من أكلات فاخرة، مشروبات باردة وساخنة، وأجواء بتناسب كل المزاجات. السهرات فيه غير شكل، من طاولة الزهر للعبة الشدة، لصوت الطرب يلي بعيشك لحظة بلحظة. المكان فيه مساحات مريحة للّمة العائلية، أو للسهر مع أصحابك، وكل تفصيل محسوب ليخلي ليلتك مميزة.

العنوان: المزة – مدينة الشباب – شارع الأكرم

للحجز: 0984488174 – 0116117722

جرب واحد من هدول المطاعم، واحجز سهرة فيها طرب، نكهة، وناس بتحبهن. وإذا كنت مجرّب أي واحد منهن، خبرنا شو أكتر شي عجبك؟ النغمة؟ الأكل؟ ولا الجو كلّه؟

اقرأ المزيد:

أفضل 19 مطعم أكل محلي لازم تجربهم بالشام

هالقائمة مثالية لمشاوير العيلة، لجمعة أصحاب، أو لأي حدا عبالو لقمة شامية طيّبة: