ألذ تشيز كيك بدمشق؟ تعرف على 6 أماكن تميزت بالطعم والشكل!

فيه فرق كبير بين تشيز كيك عادي و تشيز كيك بيخليك تضل تفكر فيه بعد ما تخلص القطعة. صار في محلات بدمشق بتتعامل مع كل قالب تشيز كيك كأنه لوحة فنية. هي 6 أماكن تميزوا فعلاً، بكل نكهة وقوام وتفصيل. جاهز تجرب الجديد؟ بلّش من هون:

1. بيستو روف ( مطعم حبق)

قوام ناعم، نكهات فريدة، وتجربة بتخليك تقول: هاد هو ألذ تشيز كيك! لما تشتهي تشيز كيك بطابع مختلف، بتلاقي بيستو روف جاهز ليقدملك نكهات متنوعة مثل التوت الأزرق، البيستاشيو، واللوتس بقالب متقن، ملمس كريمي، ومقدّمة بطريقة بتخليك تعيش التجربة كاملة. القعدة بالمكان مريحة والإطلالة حلوة، وكل تفصيل مدروس ليكمل الطعم.

العنوان: مشروع دمر – بعد ساحة الكنيسة باتجاه المغتربين
رقم الهاتف: 0113144441 – 0113144424 – 0943344441

2. ماي بيكر

نكهات غنية، خيارات ما بتنعد، وطعم بيعرف طريقو للقلب! من أول لقمة بتحس إنو في لمسات مبتكرة ورا هالإبداع!
من تشيز كيك دبي لـ تشيز كيك الفراولة، ولنكهاتهم الخاصة مثل تشيز كيك المن والسلوى وتشيز كيك التمر، كل صنف معمّول بنفس طيب وتوازن دقيق. بيشتغلوا بتفاصيل القوام والنكهة… كأنو كل قطعة هي أهم صنف بالمكان.

الفروع: المالكي: 0119011- الصبورة: 0119667- الغساني: 0114470431
للتواصل: 0997800300 – 0995007003
متوفر عبر: بي أوردر – موڤو

3. أمية كلاس

قطعة سان سيباستيان بتكفي تعدلك مودك! تشيز كيك بمستوى عالمي بنكهات متنوعة مثل سان سيباستيان، كيندر، لوتس، والفراولة. كل قطعة متقنة، من الشكل للقوام، وكأنهم عم يرسموا نكهة مو بس بيخبزوها.

للتواصل: 0984667667

4. تالار كلاس

الباسك تشيز كيك الحقيقي… موجود هون! تالار بيعرف تماماً كيف يعمل توازن بين الملمس الطري والسطح المكرمل. التشيز كيك عندهم أنيق، بسيط، وغني بالطعم – مثالي للمناسبات أو لقعدة مزاج.

للطلب: 0964436640
متوفر عبر: بي أوردر – موڤو – هدهد شوب

5. إيبيك تشيز كيك

التفاصيل عندهم بتبدأ من الشكل… وبتكمل بنهاية كل لقمة! إيبيك بدمشق بيخلي كل قطعة تشيز كيك مميزة ومصمّمة خصيصاً إلك. بتختار النكهة، التصميم، وحتى الحجم، من تشيز كيك سنيكرز لنوتيلا وغيرها كتير أصناف رح تلاقي يلي بيناسبك تماماً. مثالي للمناسبات أو لتدلع حالك بيوم عادي.

للتواصل: 0933553383 – 0113337776

6. بفّيز وورلد

قطعة بتدوب بهدوء، بس بتترك ضجة بطعمتها! سان سيباستيان و التشيز كيك وافل عندهم هي حرفياً الحلا يلي لازم تجربو. القوام ناعم، الشكل مشهي، والتوصيل متاح عبر تطبيق موڤو – يعني ولا أسهل!

الموقع: دمشق، كفرسوسة – شام سيتي سنتر
للتواصل: 098177657
متوفر عبر: موڤو

كل محل بهالقائمة عنده لمسته الخاصة، بس كلهم بيجمعهم شغف بالنكهة والتفاصيل. جرب، صوّر، وشارك تجربتك مع حدا بتحبه… لأن قطعة حلو وحدة بتكفي لتغيّر يومك كله!

اقرأ المزيد:

أشهر محلات الحلويات بدمشق: طعمة بتخليك ترجع كل مرة!

الحلويات الدمشقية معروفة من زمان، وطعمتها بضل ببال كل حدا بيدوقها. بمكوناتها الغنية من الفستق الحلبي اللوز او الجوز مع السمن البلدي، كل نوع من هالحلويات بيحكي قصة. هون قائمة بأهم محلات الحلويات بدمشق يلي بتقدم أشهى الأصناف: