5 مطاعم بتعمل صفيحة شامية ولا أطيب… لازم تجربوها! 

الصفيحة الشامية إرث دمشقي عريق، توارثته الأجيال من أفران الحارات القديمة لـ مطاعم الشام الحديثة. ريحة العجين المحمر بالفرن، وتتبيلة اللحمة الغنية باللبن أو البندورة، ورشة الصنوبر يلي بتكمّل الطعمة… كل تفصيل فيها بيحكي عن أصالة مدينة بتحب الأكل الطيب واللمة الدافئة. وإذا نفسك تدوق صفيحة شامية على أصولها، هدول 5 مطاعم بدمشق قدروا يحافظوا على النكهة الأصيلة ويضيفوا لمستهم الخاصة، ليقدموها بأشهى وأرقى شكل ممكن:

1. مطعم الروضة

من قلب الميدان، المكان يلي ريحته لحالها بتحكي عن الأصالة. الصفيحة هون بتتقدم على الطريقة الدمشقية القديمة: عجينة طرية، أطرافها محمّرة، وحشوة غنية بتتبيلة متوازنة، سواء اخترت صفيحة باللبن، بالبندورة أو مجرمشة، مع رشة الصنوبر تأكد إنك رح تدوق الطعم الملوكي وبلمسة دمشقية راقية. كل صنف إله طابع خاص، وكل لقمة بتحكي عن شغف بالمذاق. غير الصفيحة، المطعم معروف بمشاويه ومعجناته وطبخه الشرقي يلي بيجمع العيلة ع اللمة الطيبة كل مرة.

الميدان – دمشق
0945409999 – 0118815344 – 0118884381

2. مطعم القصر

الصفيحة بالقصر هي لوحة فنية من البساطة والإتقان. العجينة رقيقة، بتقرمش من الأطراف وطرية بطريقة سحرية ، والحشوة غنية متبلة بعناية يا بالبندورة واللحمة عطريقة الشامية الاصيلة، يا باللبن الدسم يلي بيمنحها نكهة الصفيحة الشامية الكلاسيكية. ورشة الصنوبر فوقها بتضيف اللمسة الفاخرة وبتخليك تحس بطعم الشام عأصولو. وفيك تختار المجرمشة الغنية بالنكهات الطيبة. الطاولة عند القصر عامرة بمقبلات شامية، سلطات فريش، مشاوي ومناقيش، وأطباق غربية بتكمل المشهد الراقي.

الربوة – دمشق
0113169000 – 0993169000

3. مطعم القدموس

اللي بيحب الصفيحة الشامية على أصولها لازم يزور القدموس. العجينة خفيفة بتقرمش من برّا وبتضل طرية من جوّا، والحشوة مليانة نكهات. سواء كانت بالبندورة أو اللبن أو مجرمشة، الطعم دايمًا متوازن وغني. المكان شغال على مدار اليوم، يعني الصفيحة عندهم بتكون دايمًا فريش وسخنة متل أول لحظة طلعت من الفرن.

شارع الحمرا مقابل بناء زارا – دمشق

التوصيل متاح عبر تطبيق موفو أو عبر الاتصال:
0113314501 – 0113314502 – 0966773377

4. مطعم السنيور

ريحة الصفيحة عند السنيور بتسبقها، وطراوتها بتحكي عن لذتها. العجينة خفيفة، الحشوة غنية، والنكهة متوازنة بين حموضة البندورة ونعومة اللبن، ورشة الصنوبر بتضيف اللمسة الدمشقية المحبوبة. المكان بيجمع بين المذاق الشرقي والغربي، من الشاورما للبيتزا للوجبات اليومية يلي بتنعش القلب وبترضي كل الأذواق.

ساحة عرنوس – أول شارع الباكستان – دمشق
0114444693 – 0932138112

5. مطعم عرايس

منظرالصفيحة عند عرايس لحالها كفيلة تفتح النفس. الصفيحة باللبن عندهم طراوتها غير، العجين فريش، اللحمة متبلة بإتقان، ورشة الصنوبر فوقها بتخليها تحفة شامية متكاملة، وريحتها بتحكي عن عراقتها، أما الصفيحة بالبندورة فهي غنية ومليانة نكهة بتعبّرعن الشام على أصولها.. وبيقدموا كمان عرايس مشاوي ومقالي وكفتة ومقبلات بتخلي التجربة متكاملة ومشبعة بكل معنى الكلمة.

الشعلان/جرمانا – دمشق
0119113 – 0991119113

الصفيحة الشامية فيها سحر الماضي وطعمة الحاضر، فيها ريحة الأفران القديمة ودفا البيوت الدمشقية.
وكل مطعم من هدول قدر يخلّي هالنكهة تعيش من جديد… جربها، وخلي كل لقمة تهمس بإسم الشام، وتترك فيك طعم ما بينتسى.

تأكد تزور قسم #كول-وشكور على موقعنا لتشوف المزيد!