4 كافيهات بأسماء غريبة أول مرة بتسمع فيها بالشام!

مو دايمًا الاسم الغريب بيكون صدفة… أحيانًا الاسم لحالو بيشدّك لتفوت وتشوف شو القصة! ولهيك جمعنالك 4 كافيهات بالشام رح يلفتوك من اسمهم! كل واحد إله ستايله، ديكوره، وجوّه الخاص… بس الأكيد إنو بتطلع من عندن وانت مبسوط:

1. كافيه ايرور

إسمه “ايرور”، بس كل شي فيه ولا غلطة! كافيه شبابي بأجواء دافئة ومكيّف ورايق، بأسعاره المناسبة وقعدته الحلوة بباب توما، بيخليك تحس حالك بـ الكافيه الصح 100%!

العنوان: باب شرقي – موناليزا الطابق الأول

الأرقام: 0113311144 / 0113311145 / 0996544173

2. كافيه لماذا؟

المكان بيرحب فيك من أول خطوة، وكل شي فيه بخليك تسأل “ليش ماعرفتو من زمان؟” … قعدة لطيفة، ديكور عصري، ومشروبات سخنة وباردة، مع شوية ساندويشات خفيفة وحلويات بتكمّل الطاولة.

العنوان: ساحة القصور – خلف شاورما الرحمة

الرقم: 0943366139

3. كافيه المحطة 13

ديكور غريب وعالمي، ألوان بتردّ الروح، والمكان عامل متل محطة سفر… بس للسعادة!
كافيه ومطعم بنفس الوقت، بجوّ رايق وقعدة بتهدي الأعصاب، خصوصي لجمعات الرفقات وصناعة الذكريات.

العنوان: باب توما – جنب مدرسة الآسية
الرقم: 0940911555

4. كافيه 27 باس

٢٧ مزاج؟ وكل مشروب إله طعم وطابع خاص ما بتلاقي غير بهالمكان، وكل زاوية هون بتحكي مود جديد.
كافيه راقي بأبو رمانة، مشروباته بنكهات جديدة، أجواؤه فخمة ومريحة، ومناسب للقعدة الطويلة أو جلسة تصوير قصيرة

العنوان: دمشق- أبو رمانة
الرقم: 0940545354

إذا بدك تغير جو أو تكتشف كافيه جديد، جرب واحد من هدول الأربعة… وشاركنا رأيك، مين حسّيتو أغرب اسم وأطيب نكهة؟

انبسطت بهالمقال؟ تأكد تزور قسم #وين نروح على موقعنا لتشوف المزيد!