لعشاق البرغر: 4 محلات جديدة لازم تجربوها بدمشق

البرغر مو بس سندويشة! بالنسبة لعشاقه، هو متعة كاملة: ريحة اللحم المشوي، قرمشة الدجاج، الصوص المميز، والجبنة الدايبة… وكل لقمة منها بتحملك على عالم تاني. دمشق بالفترة الأخيرة صارت تعج بمحلات جديدة للبرغر، كل واحد عم يحاول يقدّم نكهة مختلفة وقعدة خاصة، من البرغر الكلاسيكي الأصيل لبرغر مبتكر بنكهات غريبة. بهالمقالة، جمعنالك 4 محلات جديدة بدمشق لازم تحطها على لستة التجربة الجاية لأطيب خيارات البرغر:

1. مطعم تشيكي داينر

تشيكي داينر المكان اللي رح يسرق قلبك، ويقدّملك أصناف من البرغر يلي فعلاً بتخلي يومك أحلى. من ميني برغر للـ تاكو برغر يلي بيجمع بين عالم التاكو المكسيكي والبرغر الأميركي غير النكهات المتنوعة من الدجاج واللحمة، كل صنف أحلى من التاني! أجواء عصرية وقعدة مريحة بمول المالكي.

مول المالكي – أفينيو مول/ 0998288884

2. مطعم وي فاست فود

هالمكان مخصص للّي بدو برغر سريع، شهي وسعره مناسب. المنيو مليان اختيارات: من كرانشي برغر بدجاج مقرمش، لـ برغر اللحم بالصوصات الخاصة يلي بتخلي الطعمة غنية ومشبعة.
بس الأبرز عندن هو توينز برغر… وجبة وحدة فيها برغر لحم وبرغر دجاج بنفس الوقت! تجربة مميزة لأي شخص بيحتار شو يختار.

مشروع دمر – الجزيرة الرابعة – مقابل حديقة الإسكان/ 0947888056
ضاحية قدسيا – تقاطع سوق أبو خليل/ 0947888053

3. مطعم لاكاسا دي برغر

من اسمه باين إنو مختلف و بروح جديدة! “لاكاسا دي برغر” عم يقدّم البرغر بطريقة فيها فن وإبداع، مع قعدة حلوة وخدمة راقية وأجواء مستوحاة من “لاكاسا دي بابيل”. المنيو غني، وفيه خيارات منوعة بتناسب كل الأذواق. بتقدر تلاقيه بعدة فروع بدمشق، وحتى إذا ما بدك تطلع من البيت، فيك تطلب عبر تطبيق “موفو”.

ضاحية قدسيا – مشروع دمر (أب تاون) – مزة مول داخل لولو ماركت: 963956669066

4. مطعم ريحان

البرغر عند “ريحان” غير شكل، برغر من النوع الأنيق! قعدة رايقة، وخدمة ممتازة، ولقمة طيبة ما بتنتسى، والميزة الحلوة إنك فيك تاكل برغرَك برا على التراس، بأجواء لطيفة بتخلي التجربة كلها أطيب. سواء اخترت دجاج أو لحم، كل سندويشة فيها لمسة خاصة بتخليها مختلفة.

ساحة العباسيين – مدخل جوبر – تايم سنتر/ 0930039205 – 0114465224

من البساطة للأناقة، ومن النكهة الكلاسيكية للأفكار المبتكرة… البرغر بدمشق صار عالم كامل لحالو. كل محل من هالمطاعم عندو لمسته الخاصة: في واحد بيركّز عالتنوع، التاني عالسرعة والسعر، التالت عالفكرة، والرابع عالأجواء.
بس السؤال الكبير… برأيك مين فيهن بيستحق لقب “ملك البرغر” بدمشق؟

تأكد تزور قسم #كول-وشكور على موقعنا لتشوف المزيد!