6 مطاعم بالشام بتنافس المطاعم العالمية

المطاعم بدمشق ما عاد هدفها بس تقديم الأكل… صار في أماكن عم ترتقي بخدماتها وأطباقها لدرجة بتخليها تنافس أشهر مطاعم العالم. وهون جمعنالكم 6 مطاعم بالشام فعلاً بيمثلوا صورة راقية:

1. مطعم نارنج

بقلب دمشق القديمة، نارنج جمع بين عبق المكان والمطبخ الدمشقي الغني. المنيو فيه مشاوي، أطباق وحلويات شرقية متنوعة معمولة على أصولها. المميز إنو نارنج صار عندو عدة فروع بعدة دول، ونجح بتقديم الأكل الدمشقي كمنتج عالمي بمستوى راقي.
القيمرية – بجانب كاتدرائية المريمية
963115416444

2. مطعم ستيد

من أوائل الكافيهات والمطاعم الدولية بدمشق، تأسس سنة 2000 وصار اسمو مرتبط بالذكريات واللمة. ستيد بيقدّم أطباق غربية بلمسات شرقية بتنافس المطاعم العالمية، من الستيك، للبرغر وكمان أطباق مبتكرة. الأجواء مريحة، الخدمة راقية، ونكهاته صارت محفورة بذاكرة روّاده من أكتر من ٢٥ سنة.
الغساني – دمشق
0114455555

3. مطعم زيتونة 

أجواء أنيقة وموقع استراتيجي، بيقدّم منيو متنوع فيه مأكولات شرقية وغربية، من المشاوي والمقبلات الدمشقية للأطباق العالمية مثل الباستا. القعدة مريحة والخدمة راقية، وهاد يلي بيخلي زيتونة قادر ينافس أي مطعم عالمي بجودة الأكل وتنوّع الأطباق.
دوار الفيحاء – جانب نادي الوحدة
0943004334

4. مطعم نارة 

منيو متنوع بيجمع بين المقبلات، المشاوي، وأطباق الفرن. الأطباق الرئيسية شامية أصيلة مثل الشاكرية، الكبة اللبنية، معمولة بعناية وبتقديم أنيق. نارة بينافس عالمياً بتنوعو وبقدرته يجمع بين الأصالة والحداثة ضمن جلسات راقية وعصرية.
كفرسوسة – دامسكينو مول
0112140148 –0993322205

5. مطعم بوابة دمشق 

واحد من معالم دمشق السياحية. دخل موسوعة غينيس كأكبر مطعم في العالم، وكمان عندو أكبر مطبخ متنوع بالعالم. المنيو بيضم مئات الأطباق من مختلف المطابخ العربية والعالمية، والديكور الفخم بخلي كل زيارة تجربة مبهرة فعلاً.
دمشق – طريق المطار

6. مطعم البيت السويسري

مطعم حاصل على تصنيف أجمل مطعم في العالم، ومكانو بيعفور بيخليه مميز بهدوئو ورقيه. المنيو بيجمع بين الأطباق الغربية مثل الستيك والباستا والبيتزا، وبين أصناف شرقية معمولة بطريقة راقية. الخدمة عالية المستوى، الديكور أنيق، وكل تفصيل بالمكان بيأكد إنو البيت السويسري مطعم عالمي بمعايير الشام.
يعفور – أوتوستراد بيروت
0966333338

اليوم دمشق عم تفتح أبوابها لتجارب طعام بتضاهي أرقى مدن العالم. منيو غني، جلسات أنيقة، وخدمة راقية… كلها عناصر عم تخلّي تجربة المطاعم بالشام ترتقي لمستوى عالمي وتثبت إنو العاصمة مو بس وجهة للثقافة والتاريخ، بل كمان للذوّاقة والباحثين عن أجواء مميزة. هون، كل وجبة مو مجرد أكل… هي ذكرى، تجربة فريدة بتحب تعيشها على طول.