أقوى 3 صالات بالشام لعشاق البلايستيشن و ألعاب الفيديو

لكل الجيمرز بالشام، إذا كنت من الناس يلي بتقضي ساعات بلعب البلايستيشن أو بتعشق أجواء التحدي مع رفقاتك، جمعنالك أقوى 3 صالات ألعاب الفيديو اللي عم تقدملك تجربة متكاملة بأجواء عصرية ومجهزة بأحدث الأجهزة. من جلسات مريحة، لإنترنت سريع، لشاشات احترافية وصوت بيعيشك قلب المعركة!

جهّز الكنترول، وخلينا نبلّش الجولة :

1. صالة جيمرز ليغ

هالصالة واحدة من أشهر أماكن الجيمينغ بدمشق، بتجمع بين البلايستيشن، والـ PC، وحتى طاولات البلياردو!
المكان واسع، رايق، ومجهز بأحدث الأجهزة من البلايستيشن لكومبيوترات قوية ، مع أحدث سيت اب ستريمنج وكاميرا 4k للستريمرز واليوتيوبر. وفيك تشارك بعروضهم الشهرية التوفيرية! سواء بدك تحدي مع أصحابك، أو تجرب اللعب بجو احترافي، أو ببساطة تريح نفسيتك بلعبة  FIFA، فـ جيمرز ليغ هو الخيار الأول.

العنوان: دمشق - المالكي - ساحة المطاعم - جانب مطعم المالكي/ فرع الاب تاون
للحجز: 0113741286 – 0966275985

2. صالة فويد 

صالة فويد متخصصة بالـ البلايستيشن 5 وألعاب الـ PC، بتقدملك بيئة احترافية للعب الهادئ أو التحدي الحماسي!
الديكور عصري ومريح، والمكان معروف بتنظيمه، وبالأجهزة السريعة يلي بتخليك تعيش كل تفصيل من اللعبة. إذا بدك تعيش تجربة بلايستيشن خرافية، بجلسة مريحة وصوت محيطي؟ فويد هو الوجهة المثالية.

  العنوان: أبو رمانة - خلف فندق الداماروز - جنب مطعم ست الشام
  للحجز: 0113322290

3. صالة نكست ليفل جيمنج

الاسم بيحكي عن حالو! نكست ليفل هو مكان فعلاً بياخد اللعب لمستوى تاني. صالة جديدة، مودرن، شغالة 24/24، وفيها كل يلي بيحتاجو الجيمر الحقيقي. الأجهزة حديثة، الإنترنت سريع، والخدمة ممتازة، وفيك تقضي الوقت مع رفقاتك بأجواء ولا أروع. إذا كنت بكفرسوسة أو قريب منها، لا تفوت الفرصة وجرب الأجواء عندهم.

 العنوان: كفرسوسة - جانب حلويات الوسام
للحجز:  0959254908

 جاهز تدخل عالم الألعاب؟

هالصالات لـ ألعاب الفيديو و البلايستيشن بالشام عم تقدملك تجربة حقيقية لعالم الجيمينغ، من المنافسة والإثارة للراحة والأجواء المنظمة. اختار الصالة الأقرب إلك، واحجز مكانك، لأن اللعب صار غير!