4 مطاعم جديدة متخصصة بـ البيتزا بالشام: رح تدمنها من أول مرة! 

إذا كنت من محبي البيتزا الإيطالية الأصلية، وبتحب تجرب نكهات جديدة بعجينة ولا أطيب، وصلصات محضّرة بإتقان، فهالمطاعم الـ 4  بالشام لازم تكون على لائحة تجاربك الجاية. كل مطعم فيهن عنده أسلوبه الخاص بتقديم البيتزا، من الكلاسيكية للإبداعية، من الهشة الرقيقة للطرية المحشية، ومن الجبنة الموزاريلا لصلصة البيستو الفاخرة. خلينا نبدأ جولتنا:

1. بيتزا بيتزارو

بيتزارو واحد من أشهر أماكن البيتزا بـ الشام، والسبب بسيط: طعمة غنية، عجينة طرية ومقرمشة، وصوص محضّر يوميًا بنكهات متوازنة. بتلاقي عندن تشكيلة كبيرة من البيتزا: الفصول الأربعة، هوت دوغ، بيتزا بيف، وبيتزا مكسيكية سبايسي بنكهات خرافية مابتتقاوم.

وإذا كنت من اللي بيحسبو حساب السعرات، في عندن بيتزا دايت غنية بالخضار ومن دون ما تخسر شي من الطعمة. وفيك تكمل سفرتك بسلطات وباستا بتكمل التجربة الإيطالية عأصولها.

أبو رمانة : 0964474174

2. بيتزا سبازيو        

واحد من أعرق محلات البيتزا بدمشق. هون، ما عم تجرب بس بيتزا، عم تدخل عالم كامل من النكهات: من الكلاسيكية متل مارغريتا والخضار، لخيارات أوسع متل البيتزا اليونانية، المكسيكية، لنيويورك و توسكاني ستايل .

تميّز سبازيو بيبدأ من عجينة فاخرة مصنوعة يوميًا، وصوص محضّر بدقة، وبيكمل بالنكهات القوية متل البيبروني، والبيستو أو الباربكيو تشيكن بيتزا. وأكيد سبازيو ما نسي النباتيين، يعني الكل رح يلاقي شي يحبه ويرضي ذوقه بأفضل وأطيب شكل.

الروضة: 3354220 | المزة: 6122212

3. بيتزا فورنينو 

فورنينو بيشتغل على مبدأ بسيط: البيتزا لازم تكون فن. وكل تفصيل من العجينة للصلصة للجبنة معمول بإتقان وحب. ومو بس الطعمة… شكل البيتزا وتقديمها بيعكس شغف وتفاصيل بتخلي الأكل تجربة كاملة.

البيبروني عندن بيحكي لحالو، وبيتزا الخضار فريش وملونة، أما المشروم فهو حكاية تانية. وكلها بتتحضر قدامك، وبطريقة بتخلي كل مكوّن يعمل توازن وفرق بالنكهة. المكان مثالي للسهرة أو القعدة مع الأصدقاء.

تاون سنتر – دمشق: 0996155444

4. بيتزا بايت 

المكان يلي بيجمع الأجواء الحلوة والبيتزا الطيبة بنفس الوقت. بيتزا بايت عم يقدّم تجربة بتشدّك من أول زيارة. كل صنف فيه نكهة رهيبة ومتوازنة، من بيتزا هاواي المميزة، للفصول الأربعة محبوبة الجماهير، للمشروم المرغوبة، والمرغريتا الشهية، كلها محضّرة بصوص خاص وبتتبيلة بتخلي الطعم غير شكل.

ولعشاق اللحوم الباردة، بيتزا ميكس لحومات المميزة اللي بتستحق التجربة،  وكمان عندن باستا ايطالية باللحوم رح تسببلك ادمان، وسلطات متنوعة بتكمّل القعدة على أصولها. 

مجمع تاكل شي – المزة : 0965612733

بالنهاية، بتقدر تلاقي بيتزا بأي مكان… بس إذا بدك فعلاً تعيش تجربة أصيلة، وتاكل البيتزا معمولة بعناية من عجينة فريش، صوص غني، جبنة لذيذة، ونكهات بتضل بالبال لازم تزور واحد من هالأماكن بالشام. 

وإذا جربت واحد منهن، احكيّلنا شو أكتر نكهة حبّيتها! 

تأكد تزور قسم #كول-وشكور على موقعنا لتشوف المزيد!