بتتذكروا؟
6 مشاهد من مسلسلات شامية محفورة بذاكرة السوريين والعرب
الدراما الشامية مو بس حكايات من الحارة… هي مرآة للناس، وللمواقف اللي خلتنا نضحك، نبكي، ونوقف مندهشين قدّام الشاشة. مشاهد دخلت الذاكرة وبقيت ببالنا لوقتنا الحالي، وصارت حديث الناس بكل بيت عربي. وهي الـ ٦ مشاهد الدرامية من مسلسلات شامية ما زالت لهلأ بتعيش بعقول وقلوب كتار منا:
1. باب الحارة | ابو عصام طلق سعاد لأن حكتلو كلمة ” فشرت “
من أشهر مشاهد مسلسل باب الحارة، لما “أبو عصام” طلق زوجته “سعاد” بسبب كلمة وحدة: “فشرت “. المشهد صار حديث الناس، وتحوّل لميمز على الإنترنت.
2. مسلسل الخوالي | اعدام نصار و غمزته لـ لطفية في اللحظة الأخيرة
المشهد الأخير من “الخوالي”، لما الكل حسب إنو نصار مات… ليجوا أهل الشام وينقذوا. مشهد دموع ومفاجأة بنفس الوقت.
3. ليالي الصالحية | مواجهة المعلم عمر والمخرز “مال الحرام ما بيدوم”
الصراع بين الخير والشر بيبلغ ذروته لما بيواجه المعلم “عمر” غريمه “المخرز” بكلمات ما بتنتسى: “مال الحرام ما بيدوم وإن دام رح ياكل صاحبو رح ياكل عيونو وياكل ضناه “.
4. مسلسل الزعيم | نعيمة رمت المعسفة على سامية طفتلا نور عيونا ما عادت شافت | مسلسل الزعيم
من المشاهد الصادمة واللي تركت وجع بقلوب الكل… لحظة فقدت سامية بصرها بعد ما رمت نعيمة المعسفة عراسها.
5. مسلسل أهل الراية | المشهد الأخير عرس رضا الحر وقطر الندى
الزفّة الشامية الأصيلة، النهاية يلي جمعت الحب والفرح بعد صراع طويل. عرس رضا وقطر الندى كان من أجمل مشاهد أهل الراية.
6. حارة القبة | فتحوا الصندوق وعرفوا الأمانة وغضب غازي بيك
فتحوا الصندوق… والأمانة انكشفت و غيّرت مسار الحارة! لحظة انكشاف الحقيقة وغضب غازي بيك كانت لحظة انفجار درامي بالحلقة.
شو أكتر مشهد بتتذكروه من مسلسلاتنا الشامية؟
الأكثر قراءة هالشهر
أمثال ما بتسمعها إلا بالشام
١٣ سبتمبر ٢٠٢٤
القاموس الشامي: مفردات ومصطلحات اللهجة شامية
٣٠ يوليو ٢٠٢٤
أفضل مراكز تعلم اللغات في دمشق
٠١ أكتوبر ٢٠٢٤
احتفل بمناسبتك بأرقى وأجمل صالات الافراح ب دمشق
١٨ سبتمبر ٢٠٢٤
أشهر محلات الحلويات بدمشق: طعمة بتخليك ترجع كل مرة!
٢٤ سبتمبر ٢٠٢٤
