11 شغلة تعملوها بـ ضيعة بيت تيما لتعيشوا نهار ما بينتسى

إذا كنتوا عم تفكّروا بطلعة على ضيعة مميزة بجبل الشيخ فيها كل شي: طقس حلو، طبيعة خلابة من ينابيع، شلالات ووديان، ونشاطات بتسعد الكبار والصغار… فـ ضيعة بيت تيما هي المكان يلي رح تجمع فيه اللمة والضحكة والراحة بمكان واحد! خصوصاً بمنتجع بكرا أحلى يلي صار مقصد العائلات والاشخاص من كل مكان.

1. الوصول والتمشاية بأحضان الطبيعة

أول ما توصلوا بيت تيما، خدوا لحظة تمشّوا فيها بالضيعة. لفّوا بين بيوتها القديمة، اسمعوا صوت الطيور، ومرّوا من حد الوديان. المنطقة خضراء وبتجنن ومناسبة لسيران مميز مع الأحباب، جهّزوا فطور خفيف، مي، شاي، وأكلات بتحبّوها، وما تنسوا الكاميرا، طاقيّة للشمس، وشي خفيف للولاد. الجو نقي بيخلّيكن تروئوا وتنبسطوا قبل أي نشاط.

2. جربوا المشي فوق الجسر المعلق بمنتجع بكرا أحلى

الروحة عـ منتجع بكرا أحلى بتكون أول محطة. الجسر المعلّق بين كفرحور وبيت تيما تجربة ما بتتفوت: فوق الأشجار، وتحتكن الوادي… وكل خطوة عليه مغامرة صغيرة فيها رهبة وجمال.

3. عيشوا المغامرة مع الزّيب لاين

إذا بتحبوا النشاطات يلي فيها شوية جرأة، لازم تجربوا الزّيب لاين! لحظة بتطيروا فيها فوق الأشجار والكل بيصرّخ من الفرح!

4. اكتشفوا بيت تيما من فوق مع التل فريك

اركبوا التل فريك وانطلقوا بجولة بتكشفلكم الضيعة بمشهد جديد من الجنة… جبال، شجر، بيوت، وأنفاس هوى نقي.

5. استرخوا بالمسبح الكبير وخلو الأطفال ينبسطوا بمسبحهم

في مسبح للكبار بإطلالة بتاخد العقل، ومسبح خاص ومريح للصغار. يوم كامل من السباحة والشمس والضحكة.

6. خلو أولادكم يفرحوا بمدينة الألعاب

منطقة آمنة، نظيفة، وبتحتوي ألعاب بتناسب كل الأعمار. الصغار ما رح يشبعوا لعب وضحك.

7. زوروا حديقة الحيوانات بالمنتجع

عيشوا لحظات لطيفة بتفاعل مباشر مع حيوانات أليفة، مناسبة للأطفال، وتجربة بتعلّم وتسلّي بنفس الوقت.

8. شاركوا أولادكن صالة الألعاب الإلكترونية

من البلايستيشن للـ VR، ألعاب واقع افتراضي، فيفا، وكونتر… نشاط ترفيهي بيشد الصغار والكبار.

9. حضروا فيلم بالسينما الثلاثية الأبعاد

عيشوا المغامرة بتقنيات D3 وكأنكن بقلب الحدث. لحظة ترفيهية بامتياز لكل أفراد العيلة.

10. كلو أطيب أكل بإطلالة بتشرّح القلب

سواء جبتوا أكلكن معكن أو طلبتوا من مطعم المنتجع، القعدة تحت الشجر أو عالمرج بتخلي كل لقمة طعمتها أطيب.

11. صوروا لحظاتكن الحلوة وخلوها ذكرى

الجسر، التل فريك، المسبح، والطبيعة حواليكن شلالات وانهار… كل شي حواليكن بيستحق يتوثق بالكاميرا و يضل طول العمر بالقلب.

لمعلومات أكترعن منتجع بكرا أحلى :

العنوان: الشارع العام -بيت تيما – كفرحور – مدرسة محمد المصري، قطنا

للحجز والاستفسار : 963981136558

وبالنهاية!

بيت تيما مشوار بلمسة مغامرة بالطبيعة … وتجربة ما بتتفوت لازم تعيشوها!