4 مطاعم بالشام لتجرب أطيب بوكسات مشاركة مع الاصحاب!

الأكل ما بيكون أطيب إلا لما يتشارك، وخاصة وقت بيجي بـ بوكس مرتّب، متنوّع، وبيفتح النفس! بجمعات العيلة أو الأصحاب، أو حتى لما بدك تهدي حدا غالي، ما في أرقى من بوكس بيجمع كل النكهات يلي بتحبها. بهالقائمة اخترنالك 4 مطاعم بالشام بيقدموا بوكسات مشاركة بتفتح النفس، كل واحد فيهم بيحمل طابع خاص ونكهات ما بتنتسى:

1. برانش بوكس

واحد من أشهر الأماكن يلي بتقدّم بوكسات فطور، غدا وحلويات بطريقة مرتبة ومشبعة. البوكس لشخصين، وبيجمع بين اللازانيا، المعكرونة بالبشاميل، اليالنجي، التبولة، البطاطا، والناتشوز… وجبة كاملة متكاملة بتكفي مشوار مع صديق أو هدية لحدا بتحبّه. ولاتنسى تجرب بوكس الميكس فتات، بوكس التغميسات أو بوكس الفطور خيارات لذيذة مالا حدود.

للطلب والاستفسار: 0993751817

2. بافيز

إذا كنت من عشّاق الحلو، فبوكس الوافل عند بافيز هو الذ اختيار. بيجي بتشكيلات بتدمج بين الحلو والمالح، من الشوكولا والفريز للتونا، وكل قطعة معمولة بإتقان. وفي كمان بوكس السعادة يلي فيه ميني بانكيك و دونتس وكريب وفواكه مع أنواع مختلفة من التغميسات الحلوة يلي ما بتتقاوم!

دمشق، الشام سيتي سنتر/ ومتوفرعلى تطبيق موفو

للطلب والاستفسار: 0935686118

3. بابريكا

إذا بدك بوكس فيه “قرمشة وطراوة”، اختار بوكس بابريكا! بيقدملك تشكيلة شهية من الشاورما، الفروج، قطع الكريسبي والبطاطا، بطريقة بتناسب كل الأذواق. مثالي للسهرات أو لمشاوير مفاجئة مع الأصحاب، خاصة إذا بتحب النكهة القوية والمشبعة.

دمشق، ساحة عرنوس – تايم سنتر (العباسيين)
للطلب والاستفسار: 0986554422 | 0998200020

4. الزهراء للتمور

التمر ما عاد بس سناك تقليدي، مع الزهراء صار تجربة راقية وغنية بالفائدة. كرات التمر المحشية بالفستق أو الكيندر، والسناك بالشوفان والمكسرات، كلها بتجي مرتبة ضمن بوكس أنيق ومناسب كهدية أو لضيافة فخمة. مثالي للي عامل دايت أو رياضة وبدو نكهة طيبة وصحية.

للطلب والاستفسار: 0956700858

نصيحة ختامية؟

أي مشوار أو جمعة مع أصحابك بالشام بتصير أطيب مع بوكسات مشاركة مرتبة بيجمع كل النكهات… اختار يلي بناسب ذوقك وخلي اللحظة تكون ألذ!

تأكد تزور قسم #كول-وشكور على موقعنا لتشوف المزيد!