كول وشكور
4 مطاعم بالشام لتبدأ الشتوية بأكلة مشاوي ع أصولها!
بأول نسمة باردة، كل شي بيحن لدفا الطعمة الأصيلة، وريحة الفحم اللي بتعبي المكان، وصوت ” الشوي” اللي بيصير موسيقى لحالو. والمشاوي بدمشق مو مجرد صنف عادي، هي طقس شتوي، ودفا جماعي حوالين الطاولة. بهالمقال، اخترنالك ٤ من أرقى المطاعم اللي بتقدم مشاوي بالشام، كل واحد فيهن بيقدم تجربة مختلفة، بطابع خاص، ومذاق لا يُنسى.
1. مطعم بيواظ
ببيواظ، بتبدأ القصة من ريحة الفحم، وبتكمل بصحن مشاوي مرتّب، فيه كل شي بتحبّه، من قطع اللحم الجوسي والطرية، للدجاج المتبّل صح، للكباب المشوي بإيدين خبيرة. النكهات هون مشبعة، بتتبيلة مشاوي متقنة، وكل لقمة هون بينقال عنها خرافية، مع أصناف منوعة من المقبلات الشامية والسلطات الفريش والمشروبات اللذيذة.
الجو بالمطعم دافئ ومرتب، مناسب لقعدة عائلية أو سهرة شتوية هادية مع الصحبة.
للحجز: 0964474174
الموقع: ساحة القصور – شارع الكندي
2. مطعم الفاروق
إذا كنت من محبّي الطعم الشامي الأصيل، الفاروق رح ياخدك برحلة نكهة ما بتنتسى. اللحمة مختارة بعناية، متبّلة بالأسلوب الدمشقي، مشوية عالفحم الطبيعي لدرجة بتخلي كل لقمة تستحق الانتظار. الكباب الشامي، الشيش طاووق، الشقف، والفروج المشوي… كل طبق بيحكي حكاية من الزمن الجميل، مقدّم مع تشكيلة مقبلات بتكمل الطاولة وبتفتح النفس. أجواء راقية، وخدمة بمحبة، وتجربة بتخلي اسم “الفاروق” دايماً حاضِر بأي حديث عن أطيب مشاوي بدمشق..
المالكي: 0113719072 – 0113719073
مشروع دمر: 0113125525 – 0940717572
ضاحية قدسيا: 0113445
3. مطعم كباب لينك
لكل اللي بحبوا يجمعوا بين الكلاسيكي والمودرن، كباب لينك هو وجهتكن. أطباق المشاوي هون بتجي بعرض بصري بيفتح الشهية من أول نظرة. من كباب الدجاج واللحم، لسبيشال شيش طاووق ، للفروج المشوي والجوانح والشقف، وكل هالخيارات محضّرة بتوازن نكهة ولا أطيب و بتنوع بيلبّي كل الأذواق. الأسلوب عصري، والجو مريح، والطعم دايمًا ثابت… لينك هو الرابط العجيب بينك وبين طعم المشاوي ع أصولو.
الموقع: دامسكينو مول – الطابق B2
963941922892
4. مطعم زيتونة
إذا عم تدور على قعدة أنيقة ومشويات بنكهة شامية أصيلة، زيتونة كافيه هو الخيار. أطباقهم مرتبة وبتشهي، من الكباب والمشاوي بأنواعها عالفحم بخلطة متقنة ومشهية، للمقبلات والسلطات الشامية الفريش.
الخدمة راقية، والجو بيدفي القلب، خصوصي مع أطباق زيتونة اللي ما بتتقاوم.
الموقع: دوار الفيحاء – جانب نادي الوحدة
00963-943004334 / 00963-967770661 / 011-4334
بالنهاية كل أكلة مشاوي إلها طقوس بالشام، وما في أطيب من جمعة على أكلة مشويات بالبرد. جرب واحد من هالمطاعم، وخلّي الشتوية تبلش بلقمة دمشقية ولا أطيب.
الأكثر قراءة هالشهر
أمثال ما بتسمعها إلا بالشام
١٣ سبتمبر ٢٠٢٤
القاموس الشامي: مفردات ومصطلحات اللهجة شامية
٣٠ يوليو ٢٠٢٤
أفضل مراكز تعلم اللغات في دمشق
٠١ أكتوبر ٢٠٢٤
احتفل بمناسبتك بأرقى وأجمل صالات الافراح ب دمشق
١٨ سبتمبر ٢٠٢٤
أشهر محلات الحلويات بدمشق: طعمة بتخليك ترجع كل مرة!
٢٤ سبتمبر ٢٠٢٤
