٣ محلات لتجربة أطيب كروسان بدمشق 

الكروسان صار عنوان الفطور العصري بدمشق. قطعة بتجمع بين القرمشة والطراوة من الداخل، بتتقدّم بأشكال وحشوات مختلفة لترضي كل الأذواق. واليوم صار في أماكن بدمشق بتقدّم كروسان و معجنات فرنسية بمعايير عالية، ضمن أجواء أنيقة وقعدات بتخلي التجربة كاملة من أول لحظة.

1. كافيه كوتشنيلا

مكان أنيق بديكوره العصري، بيجمع بين الكافيه والباتيسيري. الكروسان عندن دايماً فريش، وجه دهبي لامع وطراوة من الداخل. الأصناف بتتنوّع بين الكلاسيكي، الشوكولا، الجبنة وحتى وصفات خاصة بتنعمل يومياً. و المكان بيقدّم كيك، كوكيز ومشروبات متنوعة، ليكون خيار متكامل للفطور.

دمشق – كفرسوسة – مول شام سيتي سنتر
0966314433

2. بي باتيسيري

واحد من المحلات بدمشق يلي بيركّزوا على التفاصيل والـ كروسان عندن بيتحضّر بطريقة دقيقة بتخلي الشكل راقي والطعمة غنية بالزبدة. القعدة بالمكان أنيقة وهادية، مناسبة لصباح مرتب أو جلسة قهوة مع الأصدقاء. وبتلاقي بهالمكان تشكيلة مميزة من المعجنات والحلويات يلي بتنعمل يومياً لتضل فريش.
الصالحية – مقابل فندق الشام
2266444 – 2266777

3. مخبز الكينغ

الـ كروسان إلو مكانة خاصة بهالمكان بيجي مقرمش طعمتو غنيّة وقوامو متوازن، مع حشوات متنوّعة بين الشوكولا والجبنة، وقطع للي بحب البساطة. المكان بيجمع بين الطابع الشعبي والأنيق بنفس الوقت، والمنيو واسع بيقدّم كل أنواع المعجنات، ليكون خيار مناسب للعيلة أو الأصحاب.
التل – موقف مساكن حرنة | التل – مقابل الجامع الكبير
0115911218

إذا بدك كروسان معمول بمعايير عالية، ضمن قعدة أنيقة وخيارات متنوعة، هدول المحلات بالشام صاروا عنوان للكروسان الأرقى. كل محل عندو لمستُو الخاصة، بس القاسم المشترك بينهم إنو بيقدّموا جودة ثابتة وطعمة بتخلي الـ كروسان جزء مميز من يومك.

اقرأ المزيد:

لأول مرة بالشام: مطعم وبداخله صالة بولينغ!

دمشق دايماً بتفاجئنا بأفكار جديدة، بس هالمرة المفاجأة غير شكل: مطعم الغاردن جمع بين القعدة الأنيقة والمطعم الراقي من جهة، وصالة بولينغ وبلياردو من جهة تانية. يعني أول مطعم بالشام فيك تاكل وتستمتع وبنفس الوقت تعيش أجواء لعب الـ بولينغ والترفيه.