أماكن السهر: 3 مطاعم ساحرة لأحلى سهرات عائلية مع إطلالة في دمشق

لما بتحب تقضي سهرة دافية مع العيلة، بمكان هادئ مع إطلالة على الطبيعة وهوى عليل، هدول الـ 3 مطاعم في دمشق هنن وجهتك، بيجمعوا بين الأكل الطيب، والإطلالة الخلابة، والجو العائلي يلي بيروق البال وبيفرح القلب:

1. مطعم ورد الشام

بمجرد ما تدخل، بتحس كأنك دخلت على بيت دمشقي أنيق… القعدة بتطلّ على طبيعة هادية، والجو عائلي بامتياز. ورد الشام بيقدملك أطيب الأكلات الشامية بنكهة أصيلة، وأجواء مريحة بتخليك ما بدك تقوم. المكان مثالي لسهرات العيلة بليالي الصيف الدافئة.

 المزة – فيلات غربية – خلف جامع الهدى
 0991070778 / 0116661166

2. مطعم المشرقيّة

إذا كنت عم تدوّر على مكان بيجمع بين الطلّة الحلوة والطاولة العامرة، فالمشرقيّة هو خيارك الأمثل. الإطلالة الساحرة على جبل قاسيون، بتاخد العقل، وكل طبق طالع من فرنهم فيه دفا وحكاية. من أول لقمة لآخر كاسة شاي، رح تحس إنك بعزيمة شامية تقليدية، بس بأجواء فاخرة ومريحة.

 المزة – خلف مشفى المواساة
 0955105555

3. مطاعم الأسطورة

من قلب الطبيعة، وبين الأشجار والخضرة، بتعيش تجربة الأسطورة. قعدات داخلية وخارجية رحبة، أجواء بتشبه المصايف، وأطباق شرقية وغربية بتفتح الشهية. المكان بيخليك تنسى ضجة المدينة، وبتحس حالك بسيران بعيد، مع كل وسائل الراحة والخدمة الممتازة.

 جسر الهامة – دمشق
 0955552025

وخلاصة الحكاية؟

أجمل الليالي هي اللي بتجمعنا مع الناس اللي بنحبها، بمكان بيشبهنا… وبهالمطاعم، كل سهرة بتتحوّل لذكرى حلوة بتعيش بالقلب.

انبسطت بهالمقال؟ تأكد تزور قسم #وين نروح على موقعنا لتشوف المزيد!