لعشاق الفروج: 5 مطاعم ما لازم تفوتوها بدمشق 

الفروج بدمشق إلو مكانة خاصة…من ريحة الفروج المشوي عالفحم، قرمشة البروستد، وطعمة المسحب يلي بتخلي كل لقمة قصة. وإذا كنت من عشاق الفروج على أنواعه رح نعرفك على 5 من أفضل المطاعم بدمشق يلي تميّزت بتقديم الفروج بأطيب أشكالو، من المشوي للبروستد والمسحب:

1. بروستد الآغا

إذا قلت “بروستد” بدمشق، بيجي على بالك الآغا: اللون الذهبي، القرمشة المتوازنة، والتتبيلة المميزة… خلّوا الطبق عندن علامة فارقة. المنيو غني بأطباق شرقية وغربية بتناسب الكل. القعدة واسعة ومريحة، وعندن عدة فروع بتخدم مختلف المناطق.

جديدة عرطوز – ميدان بوليفارد – الشعلان
0116818555 – 0115429555 – 0113329456

2. الفروج الذهبي

الذهبي صار اسم ملازم للفروج بدمشق. من أول قرشة بتعرف إنك عند الدهبي: دبابيس، بروستد، وحتى المسحب معمول بطريقة بتخلي كل لقمة “إدمان”. عندن كمان سندويشات مبتكرة متل “دراجون تشكن” وشاورما بطعمة غنية. الجو شبابي ومليان حركة، والطعم ثابت بكل زيارة، الدهبي بيجمع بين الطعم القوي والجو العصري يلي بيخلي زيارتك ممتعة.

طلياني – أول طريق الروضة – دمشق

خدمة التوصيل متاحة عبر fastest

963938044390

3. دجاج الزين

الزين مشهور بالقرمشة يلي بتوصل للقلب. البروستد عندن لونو دهبي شكله شهي، وطعمتو متوازنة بين الطراوة والقرشة. المنيو فيه فروج مشوي، كريسبي، شاورما وسندويشات متنوعة. وعندن خدمة توصيل عبر تكة، بي أوردر، موفو وبتوصلك نفس الجودة عالبيت.

المنطقة الصناعية – مقابل شركة النقل الداخلي
5444144 – 5422111
963953364847 – 963953364837

4. مطعم الفاروق

الفاروق اسم قديم وحاضر، بيقدم الفروج المشوي على الفحم بتتبيلة خاصة عمرها سنين يلي بتعطي نكهة مميزة لكل قطعة. والوجبة ما بتكمل إلا مع المقبلات والسلطات الشامية الفريش. تجربة بتجمع بين الأصالة والطراوة يلي بتخلي الفروج عندن مختلف. والقصة بالفاروق مابتوقف عند الفروج وبس.. المنيو بيضم تشكيلة من المشاوي والشاورما والمعجنات الشامية الأصيلة يلي بتستحق التجربة.

المالكي – 0113719072 – 0113719073
مشروع دمر – 0113125525 – 0940717572
ضاحية قدسيا – 0113445521

5. بروستد القصور

اسم عريق ما في بيت دمشقي ما بيعرفو. المنيوغني و بيجمع كل شي بتحبو: فروج مشوي، مسحب، بروستد وكرسبي، التتبيلة مميزة والقرمشة ثابتة بكل فرع من فروعن، بالإضافة لـ شاورما، برغر، سلطات وحلويات وعصائر. التجربة هون مو بس وجبة… هي متعة شكل وطعم ونكهة ما بتنتسى

فروع: المزة – مشروع دمر – الحميدية – ضاحية قدسيا – الكسوة – المهاجرين – دوما – التل
0968992462 – 0939212695 – 0116114510

إذا كنت من عشاق الفروج، فالمطاعم بدمشق ما بتخيّب أملك. من الزين بقرمشته، لـ الآغا بتنوعه، لـ الفاروق بأصالته، و الدهبي بنكهاتو، وصولاً لـ القصور بفروعه الكتيرة… هون بتلاقي وجبتك المفضلة مثل ما بتحبها تكون.

اقرأ المزيد:

أفضل 19 مطعم أكل محلي لازم تجربهم بالشام

هالقائمة مثالية لمشاوير العيلة، لجمعة أصحاب، أو لأي حدا عبالو لقمة شامية طيّبة: