يا جماعة… إذا لسا ما جربتوا الماتشا، خلوني خبركن: هاد المشروب مو بس “شاي أخضر” عادي، هاد أصلو ياباني وعندو تاريخ طويل بالثقافة اليابانية. كانوا زمان يقدموه بمراسم خاصة اسمها “حفل الشاي” ويعتبروا مشروب الصفاء والراحة، واليوم صار مشروب الماتشا ترند عم يكبر يوم ورا يوم، ووصل أخيراً ع الشام وصار حديث الكافيهات.

شو هي الماتشا؟

الماتشا عبارة عن أوراق شاي أخضر ياباني مطحونة بودرة ناعمة، يعني إنت عم تشرب الورقة كاملة بكل فوائدها. الطعمة فيها توازن بين المرارة الخفيفة والحلاوة الراقية، ولونها الأخضر الفاتح لحالو كافي يفتح النفس. مشروب ناعم، منعش، وبيعطي طاقة وهدوء بنفس الوقت.

تعرفوا على أبرز الكافيهات يلي بتقدم الماتشا بـ الشام:

1. كافيه 27 +

هالكافيه العصري بيشتغل عفكرة “المود”، وكل مشروب معمول ليعملك جو خاص. أول ما تدخل، بتلفتك الأجواء الراقية والديكور العصري الهادئ. المنيو متنوع و فيه مشروبات كتير لذيذة، بس الماتشا إلو نكهة خاصة هون: كوب أنيق، طعمتو متوازنة بين المرارة الناعمة والحلاوة الخفيفة. مع كل رشفة بتحس إنك عملت جلسة استرخاء صغيرة لمودك.

أبو رمانة – دمشق
0940545354

2. كافيه كايو:

مكان مليان حياة، ديكورو عصري، والقعدة فيه مريحة ومليانة طاقة. المنيو متنوع وفيه مشروبات مميزة، بس الماتشا لاتيه صار واحد من أبرز الخيارات عندن، وهون فيك تختار كيف بتحبها: باردة ومنعشة، أو دافئة وكريمية مع الحليب، مشروب صار بصمة خاصة للمكان!

تايم سنتر مول – دمشق
21622605996

3. كافيه كاسبرسو:

كاسبرسو معروف بقعدتو الأنيقة وأجواؤه المريحة، الماتشا عندن إلو خصوصية ونكهات مميزة كتير ، وخاصة “روز ماتشا آيس لاتيه” مشروب خفيف ومنعش، لونو الأخضر والوردي بيسحرك، وبيخلي نهارك احلى. صار خيار محبب عند كتير من زبائن كاسبرسو، وواحد من المشروبات المميزة بقائمتهم.

أفينيو مول – المالكي – دمشق
0995444344

ليش لازم تجرب الماتشا؟

لأنها مشروب بيجمع بين الفائدة والطعم. مليانة مضادات أكسدة بتحافظ على صحتك، بتعطي طاقة متوازنة لجسمك من غير هبوط مفاجئ متل القهوة، وكمان بتحسن التركيز بفضل الكافيين مع الثيانين.

الماتشا مو بس ترند… هو تجربة يابانية عريقة، اندمج اليوم بأجواء الشام العصرية. فإذا ع بالك كوب بيجمع بين الطعمة، الصحة، والجو الحلو… جرب الماتشا من هالأماكن وصور اللون الأخضر الساحر، وخلي الطعمة تحكي لحالها.

اقرأ المزيد:

ستروبوافل بالشام: وين بتلاقي هالحلو الهولندي؟

من قلب أمستردام… لأحلى شوارع الشام! صار فيك تدوق الطعمة الهولندية الأصلية مع ستروبوافل، البسكوت المقرمش المحشي بحشوات ولا أطيب هون بالشام، يلي بيجنن مع فنجان قهوة أو شاي دافيين.