أفضل 19 مطعم أكل محلي لازم تجربهم بالشام

عم تخطّط لجولة لذيذة بقلب الشام؟ حابب تغيّر جو وتعيش أجواء دمشق وأكلاتها؟ جمعنالك بهالدليل 19 مكان من أطيب وأشهر مطاعم أكل محلي يلي بيقدّموا المأكولات الشامية على أصولها بالشام. من الفتة والكبّة للشيش برك والمحاشي، ومن المشاوي للحمص… كل مطعم هون بيحمل حكاية، وكل لقمة بتعبّر عن طعم الشام الحقيقي.

هالقائمة مثالية لمشاوير العيلة، لجمعة أصحاب، أو لأي حدا عبالو لقمة شامية طيّبة:

1. مطعم موناليزا

مطعم موناليزا واحد من المطاعم الدمشقية الراقية يلي بتجمع بين الجو الشامي الأصيل واللمسة العصرية. بتقعد ببيت تراثي دافي و أنيق، وبتتذوق أطباق سورية متنوّعة من الفطور للغداء والعشاء، مع مشروبات خفيفة، وخدمة راقية بتكمل التجربة. مثالي للمناسبات الخاصة أو لقعدة هادية بقلب الشام القديمة.

العنوان: باب توما، شارع العازرية، جادة مخائيل نعيمة، دمشق

للاتصال: 0955449907

2. مطعم ست الشام

بجمال أجوائه وأناقة ديكوراته، بيقدملك مطعم “ست الشام” تجربة ولا أطيب، من قلب المطبخ الشامي الأصيل. الأكلات عنده معمولة على أصولها، بالمكونات الفريش والنكهات يلي بتغريك من أول لقمة. القعدة مريحة سواء جوّا أو برّا، والخدمة بتكملك التجربة.

العنوان : أبو رمانة، دمشق

للاتصال: 963113311238

3. مطعم لي بارون

داخل بناء تاريخي ساحر، بيقدملك “لي بارون” جوّ دافئ وأكل شرقي غني، من الشيش طاووق واليالنجي للكبة وقطع اللحم اللذيذة.واللي بيزيد سحر المكان، أمسيات العود الطربية يلي ما بتنمل، بس بدها حجز مسبق.

العنوان : شارع العابد، دمشق

للاتصال: 963954433664

4. مطعم جزيل

مطعم “جزيل” بيجمع بين النكهة الأصيلة والتقديم العصري. رح تلاقي عنده الكبة، المحاشي، الشيش طاووق، واليالنجي، غير العصائر الشامية المنعشة متل الكركديه وشراب الورد. مكان مثالي لقعدة بتبقى بالذاكرة.

العنوان: أبو رمانة، دمشق

للاتصال: 963113333161

5. مطعم حارتنا

إذا حابب ترجع للزمن الجميل ، “حارتنا” هو المكان. مطعم دمشقي أصيل بديكوره وبحراته وجلساته، ونكهات ما بتتكرر!

الكبة بأنواعها، الشيش برك، والمشاوي عالفحم و أكلات كتيرة ولا أطيب.

العنوان : باب توما، دمشق

للاتصال: 963115441148

6. مطعم الصحي

لكل حدا بيهتم بالأكل الصحي وبيحب الطعم الشامي، مطعم “الصحي” هو العنوان. الأكل عنده خفيف بس غني بالنكهة، من الكبة والشيش برك للمشاوي والفلافل. المكان أنيق ومريح، والخدمة محترمة وسريعة.

العنوان: شارع محمد علي العابد، دمشق

للاتصال: 0112211555

7. مطعم الشاميات

بموقع حيوي قريب من مركز البلد، “الشاميات” اسم صار مرادف للجودة. الأكل شامي تقليدي بروح دمشقية أصيلة، من الكبة بأنواعها للفتة واليالنجي والحلويات الدمشقية. الديكور كلاسيكي أنيق، والخدمة راقية.

العنوان: أبو رمانة،امتداد ساحة النجمة، دمشق

للاتصال: 0968837409

8. مطعم قصر كيوان

إذا بدك إطلالة عالطبيعة مع أكل شامي أصيل، فـ”قصر كيوان” هو وجهتك. بيجمع بين الفخامة والضيافة الأصيلة، والمأكولات منوعة من الكبّة والفتة للشاورما والمشاوي، وكل طبق بيتقدّم مع مشروبات ومقبلات شرقية شهية.

العنوان: المزة، خلف مشفى المواساة، دمشق

للاتصال: 0955305555

9. مطعم ورد الشام

من المطاعم يلي دمجت بين الحداثة والأصالة، “ورد الشام” بياخدك بجولة نكهات من قلب الشام. الكباب، الفروج، والمحاشي الشامية، بيتقدمو بطريقة عصرية وبطابع تاريخي منعكس بالديكور والأجواء.

العنوان: مزة فيلات غربية، دمشق

للاتصال: 963116661166

10. مطعم ومقهى روندو

“روندو” مكان بيناسب اللي بحب القعدة الهادية والأكل الطيب. الأطباق فيه متنوعة، من الفروج المشوي لستيك اللحم واللازانيا، مع مقبلات بتفتح النفس. القعدة برّا بأيام الصيف شي بيروّق.

العنوان: مشروع دمر الجزيرة العاشرة، دمشق

للاتصال: 963944222293

11. مطعم بيت جبري

من أقدم البيوت الدمشقية يلي تحوّلت لمطعم، “بيت جبري” حافظ على أصالته بكل زاوية. جوّه دافئ، وأكله دمشقي على أصوله، من المناقيش والمشاوي للكبة والشيش برك. القعدة فيه إلها طعم خاص، خصوصاً مع الشيشة وطاولة الزهر وصوت البحرة.

العنوان: خلف قصر العظم -بالقرب من مكتب عنبر، دمشق

للاتصال: 963115443200

12. مطعم 3 طاولات

إذا كنت بتحب الأماكن الصغيرة بجوها الخاص، فمطعم “3 طاولات” هو وجهتك. بيجمع بين نكهة الأكل الشامي الأصيل ولمسة عصرية، وبتلاقي عنده أطباق مثل المجدّرة والكبّة بأنواعها والشيش طاووق، وكلها معمولة بإتقان وبمكونات فريش، غير إنو الجو العام بالمطعم حميمي وكأنك قاعد ببيت حدا من رفقاتك.

العنوان: الشعلان، دمشق

للاتصال: 963962212121

13. مطعم سيفان

من الأماكن المرتّبة بالشام وبيتميز بجلساته على التراس تحت السما، وديكوراته العصرية بتخلي القعدة فيه مريحة للنفس. المنيو غني بالمشاوي، المحاشي، الصفيحة، والكبّة، وحتى فيه لمسة من المطبخ الأرمني، يعني لازم تجرب أكتر من طبق لتعرف أديش هالمطعم مميز.

العنوان: مشروع دمر، الجزيرة التالتة، دمشق

للاتصال: 0993336705

14. مطعم دار مسك

هاد المطعم بياخدك بجولة بين الماضي والحاضر، من ديكوراته الدمشقية لأطباقه الشعبية المعمولة على أصولها. عندهم كباب أضنة، شاورما عربية، فطيرة الكفتة، والمناقيش الساخنة، ومعها سلطات ومقبلات بتفتح النفس. مكان مثالي لقعدة مع الأحباب بقلب البلد.

العنوان: دمشق القديمة، مدحت باشا، نزلة الدقاقين، باب الحديد

للاتصال: 0950544544

15. مطعم نارنج

من أشهر المطاعم بالبلد، بيقع بقلب دمشق القديمة وبيقدّم أجواء تراثية بامتياز. النكهات فيه مميزة، من الكبة اللبنية للمشاوي والمأكولات الدمشقية الأصيلة. كمان ما فيك تطلع من عنده من دون ما تذوق التحلية، خصوصاً المدلوقة وعيش السرايا، والبن العربي على أصوله.

العنوان: القيمرية، دمشق القديمة

للاتصال: 963115416444

16. مطعم قصر اللولو

“قصر اللولو” اسم على مسمّى، فخامة بالأجواء، وكرم بالأكل، وراحة بالقعدة. عندهم قائمة طويلة من الأكلات الشرقية والشامية من الكبة للسمك المشوي واليالنجي والمعجنات. مكان مثالي للعزايم أو لقعدة عائلية ممتعة.

العنوان: المزة، دمشق

للاتصال: 0946123535

17. مطعم قصر النرجس

من المطاعم يلي بتدمج بين الأكل والجو الفني. بيستضيف مطربين وفرق عربية بسهرة شامية ممتعة، وكل هاد مع أطباق شامية بتغنيك عن الوصف، متل الفتة، الكبة، المحاشي، والحمص. أجواءه حيوية بامتياز.

العنوان: باب توما، القيمرية، خلف مكتب عنبر، دمشق

للاتصال: 0096393204499

18. مطعم مرايا

مساحة واسعة وجلسات مريحة داخلية وخارجية، مثالي لجمعات العيلة أو الأصحاب. منيو غني بالمشاوي والصفيحة والمعجنات والفوارغ وحتى الشاورما. والخدمة سريعة وراقية، ما بتستنى كتير لتتدلّل بالأكل.

العنوان: شارع الباكستان، دمشق

للاتصال: 963114448447

19. مطعم أبو وحيد درويشة

مطعم شعبي مريح وديكور بسيط بس أكلو بيشهي. معروف بين الدمشقيين بالمشاوي والفتة والكبة… غير هيك بيقدم تبولة، بابا غنوج، وسمبوسك بيفتحوا النفس. قعدته حلوة خاصة بالأيام الدافئة.

العنوان: الربوة، دمشق

للاتصال: 963932588464

إذا حابب تعيش نكهة دمشق على أصولها، أو بدك تدلّل حالك بأطيب الأطباق من قلب الشام، فهالقائمة رح تساعدك تختار الصح. كل مطعم إلو طابعه، بس كلهم بيجتمعوا على شي واحد: الطعمة الدمشقية اللي ما بتنتسى.

تأكد تزور قسم #كول-وشكور على موقعنا لتشوف المزيد!