ترند البوظة الكورية وصل ع الشام، وين تجربوه؟

الآيس كريم إدمان بحد ذاتو… بس لما بينزل ترند جديد بهالشكل الغريب والملفت، بيصير الكل بدو يجرّب. البوظة الكورية اليوم عم تغزو السوشال ميديا، ليش؟ لأنو شكلها مو تقليدي! بتجي مغلفة على هيئة فواكه: بتلاقيها متل حبة فريز، أو مانغو، أو دراق… ومن جوّا آيس كريم كريمي بارد بنكهة الفاكهة نفسها. وأخيراً وصل الترند ع الشام، وصار في أكتر من محل عم يجيب ابتكار البوظة الكورية وعم يقدّمها بنكهات فريش بتنسيك حر الصيف.

1. سوبر ماركت الشام

من أوائل يلي نزلوا الترند. بتلاقي عندن بوظة كورية مغلفة بأشكال مانغو، دراق، فريز… وكل وحدة شكلها تحفة. الطعم طيب والقوام متماسك، والتغليف أنيق بيخليك تحس إنك ماسك فاكهة مجمّدة بإيدك.

البرامكة – السوق التجاري خلف مابكو
0933405596

2. فروزي

معروف بـ الشام بالفواكه المجففة الفريش، واليوم ضاف البوظة الكورية لقائمة منتجاتو. نكهاتها بتشهي والشكل بيخليها مثالية لتجربة منعشة. والأجمل إنو في شحن للمحافظات، يعني ما رح تنحرم من التجربة وين ما كنت.

سوريا ــ دمشق
0931865224

3. آية سويتس

محل بيقدّم الحلويات بإسلوب مميز وجميل وهلأ ضاف لقائمة تميزه بوظة كورية بنكهات الفواكه مانغو، دراق، وفريز. شكلها متل الفاكهة، والطعم غني ومنعش.. خيار حلو لعشاق النكهات القوية يلي بدهن شي جديد ومختلف.

سوريا ــ دمشق
للطلب والاستفسار :عبر إنستغرام Aya Sweets

4. سوبرماركت المرعي

تشكيلة واسعة بتشمل مانغو، دراق، فريز، وحتى أفوكادو! الألوان ملفتة والطعم غني، عندن فروع بعدة مدن وخدمة توصيل لكل المحافظات.
الأفرع: دمشق – إدلب – سرمدا
352681575159 واتساب فقط

5. مولات دمشق:

إذا كنت من رواد المولات، فيك تلاقي البوظة الكورية منتشرة اليوم بأكتر من مول بدمشق، لأنو صارت جزء من الترند العصري يلي الكل عم يطلبو… و صار فيك تجربها وقت تتسوق أو تعمل جولة بالمول.

البوظة الكورية مو بس آيس كريم… هي تجربة كاملة بين الشكل والطعم. من برّا قطعة فاكهة ومن جوّا آيس كريم كريمي. ومع هالترند صار الصيف الدمشقي ألذ وأبرد وأحلى!

اقرأ المزيد:

كنافة ملونة وبنكهات جديدة: وين بتلاقوها بالشام؟

إذا كنت من عشاق الكنافة وبتحب تكتشف نكهات جديدة، فـ Q8 كنافة بالشام هو المكان يلي رح يغير نظرتك للكنافة كلها! المحل جاية من تجربة كويتية ناجحة، ونازل عالشام بروح جديدة، بنكهات جريئة، وشكل بيلفت النظر قبل الطعمة!