5 مولات لتتجهزوا للمدرسة و تشتروا أفضل قرطاسية بالشام؟

قربت المدارس وصار وقت تجهزوا أولادكم للعودة على المدرسة، وبدكن تشتروا قرطاسية، حقائب، ولوازم مدرسية بتشكيلة كبيرة وأسعار منافسة؟ جمعنالكم أشهر مولات وصالات قرطاسية بالشام يلي لازم تزوروها قبل ما يبلش العام الدراسي:

1. صالة ستار بوي للقرطاسية – دامسكينو مول/ لاميرادا مول

أكبر مدينة قرطاسية بسوريا، والمكان الأمثل لتسوق مستلزمات المدرسة لأولادك. بتلاقوا تشكيلات ضخمة من الحقائب، الدفاتر، الأقلام، المقالم، والأغراض التانية يلي بتناسب كل الأعمار والأذواق. الأسعار منافسة، والمكان مكيف ومرتب، مناسب تماماً للولاد والعيلة.

العنوان: كفرسوسة – دامسكينو مول الطابق الأرضي/ شارع الحمرا – لاميرادا مول

2. صالة السعادة ـــ مول بوليفارد الزاهرة الجديدة

من أقوى مهرجانات القرطاسية بسوريا، بتشكيلة ضخمة من المستلزمات المدرسية بأسعار مناسبة وفروع متعددة بتغطي مناطق واسعة من دمشق وريفها.
المعروضات مرتبة، والأسعار بتناسب الكل، والمكان دايماً فيه شي جديد.

الفروع:

• الفرع الرئيسي: مول بوليفارد الزاهرة الجديدة – خلف كراجات درعا
• الفرع الأول: مساكن برزة – خلف جامع إبراهيم الخليل – جانب بزورية المصري
• الفرع الثاني: ضاحية قدسيا – السوق التجاري – نزلة المقسم – جانب حلويات الرضا
• الفرع الثالث: جرمانا – الشارع العام – مول كلاس – الطابق الأرضي
• الفرع الرابع: دوما – شارع القوتلي – جانب محل القم

3. مكتبة بلس – شام سيتي سنتر

مكتبة راقية بتقدّم كل مستلزمات القرطاسية والمدرسة بطريقة منظمة ومريحة، بتلاقي فيها خيارات عصرية وموديلات بتناسب جميع الأعمار.

العنوان: شام سيتي سنتر – كفرسوسة

4. مكتبة جرير – فرع نيو قاسيون مول

مكان مرتب وواسع، فيه كل شي بيخطر عبالك من أقلام، دفاتر، أدوات فنية، ألعاب تعليمية، قرطاسية متنوعة وحتى مستلزمات مكتبية وهدايا والعاب .
جو حلو وبيناسب اجواء التسوق للعيلة كلها.

العنوان: نيو قاسيون مول – برزة

5. مكتبة جرير – فرع أفينيو مول

الفرع التاني لجرير بدمشق، وفعلاً بيستاهل الزيارة، خصوصاً إذا كنتوا حوالين المالكي. المكتبة بتقدم خدمات وقرطاسية فخمة، بتناسب طلاب المدارس والجامعات وحتى أصحاب الأعمال.

العنوان: أفينيو مول – المالكي

رجعت المدارس، ومع هيك أماكن قرطاسية بالشام صار تحضير السنة الدراسية ممتع وسهل!
اختاروا أقرب مكان إلكم وعيشوا تجربة تسوق مريحة ومليانة خيارات مميزة.

MORE LIKE THIS

وين بتلاقي أحلى بوكيه ورد بالشام؟

الشام مدينة الياسمين والعطر، ودايمًا الورود بتكمل جمال مناسباتنا. سواء كنت عم تحضّر لعرس، خطوبة، تخرج، عيد ميلاد او بدك هدية مميزة عالسنة الجديدة، محلات الورد بدمشق بتقدملك كل شي بتحتاجو من تنسيق الأزهار الطبيعية والاصطناعية لتزيين السيارات والبالونات. تعالوا نكتشف سوا أشهر المحلات بالشام يلي تميزت بأناقتها وإبداعها بتنسيق بوكايات ورد: