4 كافيهات بأجواء رايقة بقلب الشام

القعدة الرايقة، بتبلش من المكان. وأحياناً، الشام بتحملك على جناح الهدوء لعالم تاني… كافيهات فيها من الطمأنينة والذوق، بقد ما فيها من نكهات وروائح طيبة. هون اخترنالك أربع كافيهات رايقة بقلب الشام، كل وحدة إلها طابعها الخاص، بس بيجمعهن سحر المكان، وأناقة التفاصيل، ودفء الضيافة.

1. ياسمينا كافيه

ياسمينا كافيه بيجمع بين النعومة والأناقة، بأطباق مفعمة بالحياة، من سلطات فريش مليانة لون وطعم، لوجبات دافية بتشبه الحضن، مثل الدجاج بصلصة المشروم. والفطور عندهم هو بداية يوم ما بينتسى، خفيف، أنيق، وغني. وكل طبق معمول بحب… وبيتقدم بنفس و روح دمشقية.

0991319996

2. سينيه كافيه

بيت دمشقي عمره أكتر من مية سنة… وساكنه الدفى والأصالة. سينيه كافيه، بتفاصيله الشامية، من الأرابيسك للألعاب التقليدية من طاولة الزهر للشدة والشطرنج، بيخليك تحس إنك راجع لأيام زمان. المشروبات فيه معمولة بحب واحترافية، من القهوة للعصائر الفريش، وكلها بتتقدم بشكل أنيق و طعم لذيذ بيخلي المكان ملاذ حقيقي لأوقاتك الرايقة.

0932812617

3. ڤيلا ورد كافيه

بڤيلا ورد، الوردة مو بس ديكور… هي روح المكان. ڤيلا ورد هو الكافيه يلي بيخاطب مزاجك بأكله، وبيرضي عيونك بتفاصيله. من منقوشة الصبح، لكروسان أجبان، لتارتين تشيز، والفريكاتا، وكل فطور فيهم إلو طابع فني ونكهة بتبقى معك. وإذا عبالك ساندويش أو بيتزا، أو حتى عصير فريش… رح تلاقي يلي بيرضيك.

0937100002

4. تشيلاكس كافيه

قعدة شبابية بتفاصيل بسيطة، وأجواء بتخليك تترك الهموم عالباب. من سندويشات غربية لبيتزا خفيفة، ومن عصير فريش لفنجان قهوة بتروقك معها، كل شي هون معمول ليخليك تضحك، تروء وتسترخي. خيار مثالي لكل يوم بتحس فيه حالك بدك تفصل عن الدنية، بدون ما تبعد كتير.

0952666217 – 0112740508

هي الكافيهات مو بس أماكن تشرب فيها قهوتك أو تتغدى… هي أماكن بتقعد فيها لتعيش لحظة، تروق، وتتذكر إنو بالشام، التفاصيل الصغيرة دايمًا إلها طعم كبير.

انبسطت بهالمقال؟ تأكد تزور قسم #وين نروح على موقعنا لتشوف المزيد!