اكتشفوا 6 من أجمل المطاعم الجديدة داخل بوليفارد دمشق

بوليفارد الفورسيزن في دمشق صار وجهة راقية للذوّاقة ومحبي الأجواء الأنيقة. كل المطاعم فيه بتقدم تجربة خاصة، بتجمع بين الطعم المميز، الخدمة الراقية، والتصميم الجذاب. بهالدليل، اخترنالك 6 مطاعم جديدة فتحت بهالمكان، وكل واحد منها بيستاهل الزيارة والتجربة:

1. ڤيلادور

مطعم راقي بيجمع بين البساطة والأناقة، معروف بتقديم أطباق مدهشة بتفاصيلها وطعمتها. من البرغر الشهي للباستا الغنية، كل طبق بيفاجئك بطريقة عرضه ونكهته. وبتكمل التجربة بجلساته الهادئة يلي بتناسب الغداء أو العشاء.

0950005363
بوليفارد، دمشق

2. أنچيلينا

مساحة أنيقة بتجمع بين الفن والمذاق، مع قائمة مستوحاة من المطبخ الأوروبي. الكروسان محشو بحب، الباستا معمولة بإتقان، وكل طبق محضّر ليحاكي إحساسك. قعدة أنجيلينا متعة لوحدها، بكل ركن فيها قصة.

0959888001
بوليفارد، دمشق

3. دي فلور

لمسة باريسية راقية بتنعكس بكل تفاصيل المكان. من فطور خفيف مع قهوة بلمسة غربية، لبرغر لذيذ و حلويات بتسحرك بجمالها، كل طبق بيحمل نكهة فريدة. مثالي لصباح هادئ أو مساء أنيق.

0960099904 | 0119007
بوليفارد، دمشق

4. أوسي

مطعم بطابع أسترالي عصري، بيقدملك تجربة متكاملة من المقبلات، للباستا، للسلطات المبتكرة. الأجواء حيوية والديكور شبابي، والمكان مثالي للسهرات والجمعات.

0960099902 | 0119942
بوليفارد، دمشق

5. سكيلت

مطعم بيركّز على الطعم والتفاصيل. الستيك، الفاهيتا، المارينارا إسكالوب والباستا بأنواعها… كل طبق معمول بإتقان عالي، من أول نكهة لآخر لقمة. المكان بسيط، مريح، وبيعتمد على الأناقة بالشكل والطعم.

0984444319
بوليفارد، دمشق

6. بيتوتوا

مطعم اسمو بيشرح عن حالو… دفا البيت بطابع عصري. المازات الشرقية، الباستا بالبارميزان، الكروسان، والسلطات الفريش بتتقدم بأجواء بتغيرلك المود وخاصة بالتراس اللي بيكمل التجربة بطريقة مريحة ومنعشة.

0953663466 | 0113347773
بوليفارد، دمشق

كل واحد من هالمطاعم خلق ليقدم تجربة مختلفة… ولأنو اللحظة الحلوة ما بتتكرر، خليك مستعد تكتشف طعم جديد كل زيارة.

MORE LIKE THIS

إيميسا كافيه بيتكن التاني بسوق الشام.. يستحق التجربة!

كلنا منفتش على مكان نرتاح فيه، نغير جو، وننبسط بالجمعات الحلوة وهون المكان يلي عم تدور عليه …بـ إيميسا كافيه بسوق الشام بتحس إنو كل يوم في لحظة بتستحق تنعاش