وين نروح
أول فندق بدمشق للمهتمين بالفنون: إقامة 5 نجوم بروح فنية في فندق آرت هاوس!
مو كل يوم بتصادف فندق قادر يجمع بين أناقة الضيافة ودفء الإبداع بس بـ آرت هاوس، الحكاية مختلفة… هالفندق مو بس خمس نجوم من ناحية الخدمة والراحة، هو فعلياً منزل للفن والروح الدمشقية، مبني ضمن طاحونة هوا عمرها 400 سنة، ع ضفاف نهر بردى، ومجدد بطريقة بتحافظ على كل تفصيل دمشقي أصيل، مع لمسة معاصرة بتخلي كل زاوية فيه تحكي حكاية فنية متكاملة.
ليش آرت هاوس غير عن أي فندق تاني؟
كل غرفة بالفندق مستوحاة من فنان سوري معروف، من نزار قباني لـ فاتح المدرّس، ومن لؤي كيّالي لـ نادر قلعي(مؤسس الفندق) … 7غرف ديلوكس بتتميّز بأسرّة فخمة، حمّامات دمشقية، وجلسات مريحة بتخليك تحس فعلاً إنك نازل بمكان مصمم كلوحة تراثية أنيقة، كلها منسّقة بروح فنية بتنقلك لعالم تاني..وبتحس حالك نايم بمعرض فنّي!
تجربة ضيافة فخمة ومتكاملة
إذا كنت عم تدور على استراحة راقية، هون بتلاقي كل شي:
- مسبح على السطح مع إطلالة خرافية
- سبا وجيم متكامل بـ مركز بلوم
- 3 مطاعم مميزة بتجمع بين الأصالة والتجديد : دافنشي، مطعم آرتش، كافيه آرتس
- صالات اجتماعات وقاعات مناسبات بتليق بالمستوى
- خدمة غرف 24/7، واي فاي سريع، وتنظيف يومي
معارض فنية مستمرة
إذا كنت من محبي الفنّ التشكيلي، لا تفوّت المعارض يلي بتصير بآرت هاوس متل معرض “ألوان الطيف” يلي عم يستضيفو الفندق بالتعاون مع غاليري كامل، وبيشارك فيه سبع فنانين سوريين مبدعين.
كل لوحة بهالمعارض بتعكس طيف مشاعر، حكايات من الذاكرة، وألوان ما بتنعاد. جو المعرض داخل الفندق كأنك عم تتمشّى بمتحف مفتوح، وهاد الشي يلي بيخلّي آرت هاوس عنجد بيت للفن مو مجرد فندق.
الموقع: دمشق، المزة – خلف مشفى الأطفال
للحجز: 0932808080
فندق آرت هاوس هو المكان يلي إذا نزلت فيه مرة، مستحيل تنساه. مو بس إقامة مريحة، بل تجربة ثقافية وفنية بتبقى ببالك.
لأنو كل غرفة فيها لوحة… وكل تفصيل فيه حكاية.
الأكثر قراءة هالشهر
أمثال ما بتسمعها إلا بالشام
١٣ سبتمبر ٢٠٢٤
القاموس الشامي: مفردات ومصطلحات اللهجة شامية
٣٠ يوليو ٢٠٢٤
أفضل مراكز تعلم اللغات في دمشق
٠١ أكتوبر ٢٠٢٤
احتفل بمناسبتك بأرقى وأجمل صالات الافراح ب دمشق
١٨ سبتمبر ٢٠٢٤
أشهر محلات الحلويات بدمشق: طعمة بتخليك ترجع كل مرة!
٢٤ سبتمبر ٢٠٢٤
