إيميسا كافيه بيتكن التاني بسوق الشام.. يستحق التجربة!

كلنا منفتش على مكان نرتاح فيه، نغير جو، وننبسط بالجمعات الحلوة وهون المكان يلي عم تدور عليه …بـ إيميسا كافيه بسوق الشام بتحس إنو كل يوم في لحظة بتستحق تنعاش، ولهيك انعمل هالمكان ليصير بيتكن التاني، مطرح بتلاقو فيه الراحة، واللقمة الطيبة، والذوق العالي.

فطور بيعدلك المود

الفطور بـ إيميسا كافيه بـ الشام هو صباح الخير بحد ذاتو …
فول،مسبحة،فتة، لبنة، زيتون، جبنة، خضرة، مخلل، بيض، ويالنجي، وبعدن الزبدة والمربى وكريب للتحلية، وأكيد كاسة شاي على الأصول.
هيك سفرة… بتستاهل مشوار، وبتخلق أحلى صباح.

غدا وعشا؟ كمان على مزاجك

المنيو متنوع من وجبات غربية لشرقية مثل:
إسكالوب ميلانيز، كوردون بلو، كريسبي، شيش بالفخارة،مندي، سيزر، تبولة، فتوش…
وغيرهم كتير.
وكل طبق معمول بإتقان، وبيتقدملك بشكل بيشهي.

حفلات وأجواء اجتماعية؟

بدك تعملي عيد ميلاد؟ أو قعدة عائلية خاصة ؟
إيميسا جاهز بكل التفاصيل ليجهزلك حفلة لذكرى مميزة ، أو قعدة عائلية دافية.

كل قعدة فيها جمعة، وكل جمعة إلها طعمة

عندك أصحاب؟ بتحب تقضي وقت هادي؟ أو جاية تحضر مباراة بأجواء حماسية؟
إيميسا جاهز يستقبلك، بطاولة بتلم الأحباب، وتسالي بتحسن المزاج.

التحلاية والمشروبات؟

إذا حابب تختم زيارتك بشي ولا أطيب، فجرب:
كريب، وافل، تشيز كيك، أو التيراميسو يلي بياخدك لعالم تاني…
والمشروبات على أنواعها، من القهوة للميلك شيك، بلمسة بتشبه المكان: ناعمة وحلوة.

ولادك كمان مدللين

إذا جايين كعيلة، صالة الألعاب بتستقبل الأولاد من كل الأعمار.
مجهزة، آمنة، ومريحة، ليقدروا هني يلعبوا وإنتوا تنبسطوا بأعدتكم .

العنوان: مشروع دمر – سوق الشام المركزي
 للحجز  0942228333

إيميسا كافيه…
مو بس محل، ولا بس سفرة،
هو بيت بيساع الرفقة، وبيفتحلك باب الهدوء والراحة من أول مرة.
زوروا… وعيشوا اللحظة متل ما لازم تنعاش.

انبسطت بهالمقال؟ تأكد تزور قسم #وين نروح على موقعنا لتشوف المزيد!