3 وجهات راقية للحلويات الفاخرة في دمشق

بمدينة متل دمشق، غنية، ما بيكفي إنك تذوق قطعة حلو طيبة. اليوم، الحلويات صارت تجربة متكاملة… بتبدأ من أناقة المكان، مرورًا بطريقة التقديم، وبتنتهي بلقمة بتترك أثر طويل. إذا كنت من الناس يلي بيدوروا على الفخامة بالمذاق، جمعنالك 3 من أرقى المحلات الجديدة للحلويات الفاخرة والعصرية بلمسة فنية عالية في دمشق.

1. أميلي

بمجرد دخولك لأميلي، بتعرف إنك بمكان مختلف. الستايل أنثوي، ناعم، ودافي، بتكمّل عرض الحلويات يلي بيشبه واجهة مجوهرات. السينابون رولز بنكهة اللوتس أو نوتيلا، الكوكي كيك، البراونيز المحشوّة، وحتى الكيكات النباتية أو بدون سكر… كل قطعة معمولة بعناية، فيها توازن بين الذوق والشكل. أميلي ما بتقدملك حلو، بتقدملك لحظة تدلل فيها حواسك كلها.

الفرع:
– أبو رمانة – جادة الكرامة

الطلب عبر @movo.delivery

2. سويركيز

المكان بتصميمه الجريء بيعرف كيف يقدّم الحلويات بستايل عصري ومميز. الكوكيز بطبقات غنية ونكهات مبتكرة، الكريب المغمور بالشوكولا ، والسينابون بأشكاله المتعددة، كل صنف مصمم ليكون حلو ما بينتسى سويركيز هو التجربة يلي بتبدأ بصورة حلوة، وبتنتهي بلقمة بتطلب تكرارها.

الفروع:
– أبو رمانة
– دامسكينو مول – الطابق B2

أرقام التواصل 0112166277

3. بيتوتوا 

بيتوتوا مو مجرد مكان بتاكل فيه حلو. هو مساحة راقية بتجمع بين البساطة والفخامة، وبتقدّم الحلويات وكأنها تحف فنية. التشيزكيك بملمس كريمي ناعم ولا أطيب، الكنافة بالقشطة لذاذة ، والكوكيز المخبوزة بعناية كل قطعة فيها بتقول “صُنعت بحب”. أجواء المكان بتخليك تعيش لحظة من الرقي والذوق، وكأنك بزاوية من مقهى أوروبي، بنكهة شرقية دافية.

الفروع:
– المالكي
– البوليفارد – فندق الفورسيزنز

أرقام التواصل:
00963-944234755
0113347773

هالمحلات الثلاثة ما عم يقدّموا بس حلويات… عم يقدّموا تجربة. كل زيارة فيها فكرة، كل صنف فيه لمسة، وكل لقمة فيها دفا وأناقة. إذا كنت بدك تغيّر عن الحلويات التقليدية، وتجرّب شي راقي ومميز… خلّي هالثلاثة على قائمة زياراتك الجاية بالشام.

عجبك هالمقال عن وجهات للحلويات الفاخرة في دمشق؟ تأكد تزور قسم #كول-وشكور على موقعنا لتشوف المزيد!