4 أماكن مثالية للطلعات العائلية بدمشق: استمتعوا بأجوائها

لما تكون الطلعة عائلية، بصير للمكان طابع مختلف. بدك جو مريح، قعدة واسعة، أكل يرضي الكل، وتفاصيل بسيطة بتكمل اللحظة… جمعنالك 4 أماكن مثالية للطلعات العائلية بدمشق بتجمع بين الأصالة، الراحة، والجو العائلي الأنيق.

1. مطعم بيت العيلة

بالشام القديمة، وتحديداً بالقيمرية، بيستقبلنا مطعم وكافيه بيت العيلة بأجواء شامية عريقة وأصيلة.
المكان واسع، القعدة دافية، وبيمتاز بكونه من أكبر وأجمل المطاعم بهالمنطقة، مثالي للطلعات العائلية.

المكان مصمم بروح شامية أصيلة، بيحضن العيلة بكل دفء، والقعدة فيه بتشبه سهرات زمان.
قائمة أكل شرقي ومشروبات متنوعة بترضي كل الأذواق وأسعار منطقية جداً، مع جو هادئ للتصوير وكل تفصيلة بالمكان فيها نكهة دمشقية خالصة.

العنوان: القيمرية – مقابل مخبز التنور

2. مطعم ومنتزه نسمة شام

لو بدك تطلع من المدينة شوي وتعيش أجواء هدوء وهوى نظيف، فـ نسمة شام هو العنوان المثالي.
مطعم ومنتزه بطريق المطار ، بيجمع بين الجلسات المريحة والخدمة اللطيفة، ومكان فيه كل مقوّمات “الرواء”.

الفطور والغدا عندن مميز، السهرات هادية،العاب للاطفال، والجو العام بيخلي المشوار يستحق التجربة .

العنوان: طريق مطار دمشق الدولي – الجسر الخامس

3. مطعم البستان

بموقع هادئ على طريق الفيحاء، بيقدملك مطعم البستان قعدة عائلية بامتياز، بأجواء مفتوحة وصالة داخلية أنيقة.
المكان مثالي لمحبي التصوير، وللي بدّن يقعدوا برواء ، مع جلسات مريحة وخدمة بتكمل التجربة.

مناسب للغدا، العشا، أو طلعة قهوة و رواء… كل وقت إله نكهته بالبستان.

العنوان: ركن الدين – جانب مشفى المنار

4. مطعم الكمال

أجواء رايقة بقلب المدينة، وتصميم داخلي بيوفّر الخصوصية والراحة.
مطعم الكمال خيار مثالي لطلعة عائلية أنيقة، سواء لغدا شرقي، أو عشا هادي بأطباق مدروسة وذوق راقي.

ديكور رايق، أجواء مرتبة، وقعدة بتناسب العيلة بأكملها. أطباق شرقية وغربية، وخدمة بتخلي الطلعة ولا أحلى.

العنوان: شارع 29 أيار – دمشق

إذا كنت بدك تطلع مع العيلة وتكون القعدة مريحة، الأكل طيب، والمكان فيه لمسة سورية دافية…هالـ أماكن مثالية للطلعات العائلية بدمشق.
جرّبها، وخلي اللمة تحلى، لأن القعدة الحلوة بتبلش من المكان.

انبسطت بهالمقال؟ تأكد تزور قسم #وين نروح على موقعنا لتشوف المزيد!