وين نروح
عالم ديزني في قلب الشام: مكان يحيي شخصياتك المفضلة!
بقلب الشام، وتحديداً بالدامسكينو مول ، في مكان قرر يخلي الخيال شي ممكن. عالم ديزني – الشام، هو المساحة الوحيدة يلي بتحوّل القصص الكرتونية المحبوبة لعالم واقعي، بيعيش فيه الطفل تفاصيل سحرية ما بينساها طول العمر. هالمكان بيحضن صغيرك بفرح، بحنية، وبخيال واسع قد السما.
من أول خطوة… الخيال بيبلّش
أول ما تدخل على المكان، بتلاقي حالك قدّام ديكور مصمم بدقة، وكأنك داخل على مشهد من فيلم ديزني. الجدران مزينة برسومات وبيوت من عالم ديزني وموجود أشهر الشخصيات مثل ميكي، ميني، إلسا، بيلا، وسبايدر مان. الإضاءة ناعمة، الألوان مبهجة، والمساحات واسعة ومدروسة لتسمح للولاد يلعبوا بحرية وأمان.
بإختصارعالم مصمم بأسلوب عصري مريح، ومخصص بالكامل للأطفال، ليجمع بين الترفيه، التعلم، والأمان تحت سقف واحد.
المكان متقسم بطريقة ذكية:
- منطقة النشاطات: فيها زوايا للرسم، التلوين، الأشغال اليدوية، والقصص التفاعلية.
- ساحة الألعاب: مزودة بألعاب آمنة وممتعة، مناسبة لأعمار متعددة، مع إشراف دائم من طاقم مختص.
- ركن الفعاليات: هو احلا شي بالمكان ، وفيه بيصير التفاعل المباشر مع شخصيات ديزني يلي بتظهر فجأة، بتمشي بين الأطفال، بتحكي معن، بترقص وبتلعب وتتصوّر.
- مسابقات وألعاب جماعية مع DJ: أنشطة بتخلي اللعب وسيلة للتعلّم والضحك سوا
- زاوية الطعام: نظيفة، مرتبة، وبتقدم وجبات خفيفة ولذيذة للأطفال، محضرة بعناية لتناسب أعمارهم وذوقهم.
نادي صيفي تفاعلي من عمر السنتين
النادي الصيفي مفتوح من عمر السنتين وفوق، وبيقدّم برنامج يومي متنوع. كل يوم فيه أنشطة جديدة، مسابقات، رسم على الوجوه، ألعاب حركية، ورقص مع شخصيات ديزني الحقيقية. هاي اللحظات بتخلي الطفل يعبّر، يشارك، يندمج، ويفرّغ طاقته بطريقة إيجابية، كلها ضمن جو مدروس ومريح للأهل.
شخصيات ديزني… مو بس صور، بل أصدقاء حقيقيين
السحر الحقيقي بعالم ديزني هو الشخصيات يلي بيحلم فيهن كل طفل. بتشوفي ميكي ماوس عم يسلم، ميني عم ترقص، إلسا عم تغني، وسبايدر مان عم يعمل حركات، وكل الأطفال حواليهن مندهشين ومبسوطين.
اللقاء مع الشخصيات مو لحظة وبتعدي… هو تفاعل، حضن، ضحكة، وسيلفي بيوثق لحظة من الخيال.
الطفل بيعيشها كأنو هو جوّات الفيلم، بطل من الأبطال، أو صديق مقرب من الشخصية يلي بيحبها.
حفلات أعياد الميلاد: يوم بيبقى بالذاكرة
إذا بدك تحتفلي بعيد ميلاد ابنك بطريقة مختلفة، عالم ديزني بـ الشام مجهز بالكامل ليكون مسرح لحفلة فيها كل شي مستوحى من عالم ديزني ليطلع يوم مميزلطفلك:
زينة حسب الطلب، حضور شخصيات كرتونية، طاولة ضيافة، موسيقى، فقرات ترفيهية، تصوير، وتنظيم كامل بيخلي اليوم يمرّ بسلاسة، ومن دون أي تعب على الأهل. كل شي محسوب، كل تفصيل معمول بحب… لأنو كل طفل بيستاهل يعيش لحظة سحرية ما بتنتسى. كل عيد ميلاد بيصير قصة… وكل طفل بيحس حاله نجم الحفلة عن جد.
الأمان أولاً… والراحة للأهل
المكان مراقَب بالكامل، النظافة واضحة، والتفاصيل الصغيرة مأخوذة بعين الاعتبار. من استقبال الأطفال، لتقديم الوجبات، لتنظيم الأنشطة… كل شي معمول بحب، وبتنسيق عالي. طاقم العمل مدرّب وبيعرف كيف يتعامل مع الأطفال بحنان وحرص كل الوقت، ليكون المكان مريح للأهل، وساحر للصغار.
الموقع: دمشق – كفرسوسة – دامسكينو مول – الطابق الثاني B2
للحجز والاستفسار 0955421141
عالم ديزني بدمشق مو بس مكان بيفرّح الأطفال… هو مساحة بيعيشوا فيها حلمهم من دون ما يغمضوا عيونهم. هو اللحظة يلي بيصير فيها الخيال حقيقة قدامهم. شو ناطرين؟ خلو أطفالكم يكونوا جزء من القصة.
انبسطت بهالمقال؟ تأكد تزور قسم #وين نروح على موقعنا لتشوف المزيد!