كافيه خاص لمحبي مسلسل فريندز بدمشق

إذا كنت من محبي “فريندز”، فما فيك تفوت زيارة “كافيه فريندز” بدمشق! هالمكان مو بس بيعرضلك مسلسل “فريندز”، كمان بيجمع بين أحلى الأطعمة والمشروبات مع أجواء بتخليك تحس إنك عايش داخل المسلسل. المكان بيرجعك لأيام التسعينات، وبيخليك تعيش لحظات مميزة من المسلسل متل جلسات المقهى الشهيرة مع “رايتشل”، “مونكا”، و”روس”.

الأجواء: ضحك وذكريات ما بتنتهي

“كافيه فريندز” بدمشق مو بس مكان بتشوف فيه المسلسل، كمان هو مكان مليان بالحياة. كل زاوية بتشعر فيها وكأنك أعد مع أصدقائك بقعدة بيتية مريحة وممتعة، المسلسل دايماً معروض عالشاشة، ومع عزف موسيقي حي بيخلي الجو أكتر متعة. الديكور مستوحى من المسلسل، وفيه صور للشخصيات المحبوبة وأكواب عليها صور فريندز الشهيرة. الجو العام حلو و أنيق، وبتحس إنو بيجمع بين الأكل الطيب والضحكة الطالعة من القلب.

المنيو: خلي كل لقمة تذكرك بأجواء المسلسل!

المنيو بـ “كافيه فريندز” مليان أصناف لذيذة بتناسب كل الأذواق، ومن الأكلات المميزة في الكافيه:

• الساندويشات: من الساندويشات المشهورة مثل البرغر، الدجاج، لسلطات منعشة أو باستا لذيذة. 
• المقبلات: من المقبلات الشرقية اللذيذة، لتوست الحلوم والسالمون، وكل المقبلات طيبة وشهية.
• المشروبات الباردة: عصائر فريش، كوكتيلات فواكه منعشة، والمشروبات اللي بتشعرك بالسعادة والانتعاش بأجواء الصيف.
• المشروبات الساخنة: عندهم مجموعة من الشاي والقهوة الساخنة، واللي بتعطيك راحة واستجمام بعد يوم طويل.
• البوظة و الحلويات: لإنتعاش مالو مثيل جرب البوظة العربي، ولتحلا اللمة جرب حلويات فريندز اللي بتقدملك طعم لذيذ ولحظات حلوة.

بالنهاية إذا بدك تجمع بين الضحك مع رفقاتك وتستمتع بأطيب الأكلات والمشروبات، “كافيه فريندز” هو المكان الأنسب. جربوا وتأكدوا إنو مكان بيستحق الزيارة

الموقع والعنوان:

العنوان: الشعلان، دمشق – مقابل جيمني
الحجز: 0936117711

جربوا المكان واستمتعوا بأجواء فريندز مع أحلى الأكلات!

تعرف كمان على 3 كافيهات جديدة بستايلات عصرية… لازم تكتشفوها بالشام!