كول وشكور
مطعم صُنع بسحركَ: نودلز كورية بالشام بنكهات موسيقية جربها لتعرف لذتها
إذا كنت مفكر إنك جرّبت كل أنواع النودلز… استنّى شوي. في مطبخ سحري بالشام، عم يخلط الطعم الآسيوي مع الفن الشرقي، ليقدملك نودلز مختلفة تماماً، بطابع جديد واسمه لحالو بيشدّك: صُنع بسحركَ.
هون، كل طبق نودلز مو بس بنكهة… بإحساس كمان. بتختار النكهة، بس كمان بتختار المقام من حروف صنع بسحرك: ص = صبا، ن = نهاوند، ع = عجم، ب = بيات، س = سيكا، ح = حجاز، ر = راست، ك = كرد.
معمول ليحكي نغمة بطعمه مع “صوص موسيقي” خاص فيه، بيمزج التوابل والنكهات بطريقة مدروسة ليفاجئك من أول لقمة.
شو في عند مطعم صُنع بسحركَ بالشام؟
الأطباق الرئيسية
من نودلز بسيطة بالصوص، لخيارات مليانة إضافات وتفاصيل:
- نودلز بالخضار
- نودلز بلاس (مع دجاج)
- نودلز بلاس بلاس (مع خضار ودجاج)
- هوت دوغ نودلز
- نودلز وايت (صوص كريمي – ذرة – فطر)
- وايت بلاس (مع دجاج)
- وأقوى وحدة: هوت نودلز بالشطة والجبنة والهالوبينو!
الأسعار بتبدأ من 40,000 ل.س وبتوصل لـ 75,000 ل.س حسب الإضافات.
المقبلات الباردة؟ فريدة من نوعها!
- سلطة نودلز: نودلز + خضار + صوص موسيقي + صوص كوكتيل
- روستو نودلز: نودلز + روستو + صوص الروستو
- سلطة صنع بسحرك: نودلز + كريسبي + صوص خاص
خدمات وإضافات بتكمل النكهة
الخدمة سريعة، والخيارات متعددة، وفيك تعدّل وتضيف حسب ذوقك. من البهارات المجانية، للإضافات المميزة، لسلطات نودلز ما بتشبه حدا… المكان مصمّم ليخليك تتحكّم بطبقك، وتكون التجربة على ذوقك من أولها لآخرها.
المشاريب
من ماء، لزويا باردة بنكهات الفراولة، الأناناس، الكيوي، والبلو هاواي، بتكمل التجربة بطريقة منعشة عند مطعم صُنع بسحركَ بالشام.
التجربة؟
نودلز بستايل جديد بالشام، بتتقدم حصراً عبر بي أوردر، ضمن مفهوم “كلاود كيتشن”، والأكل من الآخر:
دسم، غني، بيشبع، وبيسحرك من أول لقمة.
إذا بتحب الأكل يكون فيه “ستايل”، وطابع خاص، ونكهات مو تقليدية، فأنت فعلاً لازم تجرّب “صُنع بسحركَ”.
متوفر حصراً عبر بي أوردر
من الساعة 4 مساءً حتى 1 بعد منتصف الليل
للطلب والتواصل 0959459560
صُنع بسحركَ… تجربة نودلز مو بس بتتاكل، بتنسمع… وبتنحب. جربها، وخلي الموسيقى تبلّش من أول لقمة.
عجبك هالمقال عن مطعم صُنع بسحركَ لأطيب نودلز كورية بالشام؟ تأكد تزور قسم #كول-وشكور على موقعنا لتشوف المزيد!